عامل بالسياحة على «تجربتك مع الظلام»: «يا بتاع الكهربا إحنا مش إخوان»

روى قراء «المصري اليوم» شهاداتهم عن انقطاع الكهرباء والمياه لساعات متواصلة في مختلف أنحاء الجمهورية منذ الصباح، وذلك بعد دعوتهم للكتابة عبر «هاشتاج #تجربتك_مع_الظلام» على «فيس بوك، تويتر».
وتحدث القراء عن حالهم وكيف قضوا الساعات الماضية في تلك الظروف العصيبة التي توقفت فيها الحياة.
وقال محمود عادل على «هاشتاج #تجربتك_مع_الظلام» بصفحة «المصري اليوم»: «يا حج أنا عاوز أنزل شغلي لا عارف أحلق ذقني ولا أستحمى، يا حج يا وزير الكهربا أنا شغال في قطاع السياحة في الغردقة، يا حج هاترفد لو ما روحتش الشغل، يا حاج مافيش مياه عشان المواتير عايزة كهربا، يا حج كان سيادتك قولت 3 ساعات ودلوقتي خمس ساعات، يا حج الكهربا قاطعة من 6:30 الصبح، ياحج يا بتاع الكهربا عاوز أروح شغلي يا حج الله يهديك علينا رجع الكهربا لمدة عشر دقايق».
وتابع محمود: «يا حج يا بتاع الكهربا والله أنا مش إخوان ولا عمري أنتميت ليهم عشان بس ما حدش يتهمني إني إخوان من كلامي، يا حج لو المناورة دي حصلت في أي دولة خارج مصر والله الحكومة بتتشال فيها، يا حج يا بتاع الكهربا بالله عليك رجع الكهربا عشان أروح شغلي، يا حاج يا بتاع الكهربا رد علينا يا حج اصحي من النوم يا حاج فوق من الغيبوبة، يا حج قبل ما تعمل المناورة كنت تقول عشان كنت أنا أعمل مناورة أملا جركن مياه أو أتصرف يا حج والله عيب عليك يا حج يا حج يا حج».
وتدعو «المصري اليوم» قراءها إلى مواصلة كتابة شهاداتهم عن انقطاع الكهرباء والمياه وتوثيقه بصور وفيديوهات، وكيف قضوا الساعات الماضية في تلك الظروف.. أخبرونا هل مازلتهم تعانون من الأزمة حتى الآن.
اشترك الآن لتصلك أهم الأخبار لحظة بلحظة