لامؤاخذة يا سي محلب أصل انا عندي كهربا مُسيسة ..ساعة تروح وساعة تيجي .....هييه!!

الناس في بلادي يتساءلون .. يتضايقون ... يضجرون .. حتى كادوا يختنقون ، من الظلام يشتكون .. على انقطاع الكهرباء يستيقظون .. وفي الظهيرة يعرقون .. وفي المساء على حوارات السيسي لا يتفرجون ، ..و على الطعام الذي باظ في الثلاجة يبكون !
ما السبب ؟ من الذي يقطع الكهرباء ؟ هل هم فلول الإخوان ؟ هل هم ثوار 25 يناير ؟ هل وهل ؟
كل هذا تشاهدونه في حديث المدينة المضلمة !
اشتغالات السيسي!!
نقترب من مواطن بالوجه البحري ونسأله :
- الكهرباء بتقطع عندك ؟
ده كلام يا أستاذ؟ قول الكهربا بتيجي عندك ، دي نازلة قطع ولما تيجي أول ما نفرح بيها تقوم قاطعة تاني
- لماذا لا تُرشد الكهرباء وتُغلق التكييف ؟
غالقه والله ،....... قصدي ما عنديش تكييف !
- تفتكر إيه المشكلة في الكهربا ؟
والله يا أستاذ أنا بيتهيألي إن مصر ما فيهاش أزمة في الكهربا وكل اللي بيحصل ده اشتغالة عشان يقرفوا الناس طول فترة الانتخابات ولما ييجي بقي السيسي رئيس تقوم الكهربا ما تقطعش ويطبلوا له بقي في التليفزيون أنه استطاع حل المشكلة وكدة يعني

- أنت إخوان .. أنت إخوان
والله أبداً والله ....أ
مصر أد الدنيا ازاي يابيه ؟
- أنت يا مواطن ياللي هنا.. السوبر ماركت ده بتاعك ؟
أيوة يا باشا اتفضل حاجة ساقعة بس سخنة أصل الكهربا قاطعة
- مش عايز .. هو حديثنا انهاردة عن الكهربا

المواطن منفجراً : يانهار أسود يا بيه أنا والله قعدت في السعودية خمسة عشر سنة الكهربا عمرها ما قطعت ولا دقيقة .. تصور بقي ولا دقيقة باقولك وبتقولوا مصر أم الدنيا أم الدنيا إزاي وهي ضلمة ، وهاتبقي قد الدنيا .. ياعم كفاية هجايص بقي ، قولهم يا أستاذ يجيبوا الكهربا وبلاش الحركات القرعة دي .. قصدي الحركات اللي لابسة باروكة دي !

- أنت اخوان .. انت اخوان
- سلامة الشوف يا استاذ مش شايف أزايز الخمرة اللي في السوبر ماركت
- أنت 6ابريل .. انت 6 ابريل
برميل مين وبتاع مين يا أستاذ
- يا مخرجة شيلي الكاميرا
-.. لن تذاع هذه الحلقة .. لن تذاع هذه الحلقة !!!!!!!!!