السيسي: «خلو النقد يساهم في التطوير»

قال المشير عبد الفتاح السيسي، المرشح الرئاسي: «مفيش حد يرفض أبدا إن يبقى في مؤسسات وآليات تساهم فى تطوير الحياة السياسية في مصر».
وأضاف السيسي، في تصريحات لبرنامج «الرئيس والناس» على قناة «القاهرة والناس»، مساء الخميس: «كنت أتمنى أن يكون مع منظمات المجتمع المدني في منظمات بتشتغل فى المشاكل الاقتصادية والمشاكل الاجتماعية».
وتابع السيسي: «عمر المجتمع الصلب المتماسك بيبص على بعضه، دورك إنك متخليش حد محتاج لو تقدر تساعده ساعده دورك إنك لو لقيت حد محتاج وعارف إنه ما بينمش كويس عشان جوعته، والدعم اللي خدناه ضخم طب بأقوله ليه بأقوله لأنى أحب أرجع الفضل لأصحابه ودي نقطة لازم نتعلم إننا نحييها».
وواصل: «سمعت من الناس مطالبهم مفيش كلام مطالب إنسان عايز يعيش عايز يبقى عنده أرض يزرع فيها عشان هو يعيش وولاده يعيشوا، إحنا عندنا مشكلة في الإعلام، وأنا عايز أقول خلو النقد يساهم في التطوير، وأحنا عايزين نكتسب ثقة في نفسنا، المسؤولين عايزين يكتسبوا الثقة، الشعب كمان عايز يكتسب ثقة فى نفسه».
وأردف: «لازم يكون عندنا مركز دراسات إستراتيجية بشكل علمي يطرح حلول حقيقية ميبقاش الحل هنا والواقع هنا، وأنا بصراحة بقول إن الأحزاب السياسية اللي عاوزه يكون لها دور حقيقي وتأثير حقيقي في المستقبل يجب أن تعمل، و الدين ينتصر بالبناء والمحبة والوعي»