بالفيديو.. «أديب» عن تغيير «عظيمة يا مصر» وغنائها للسيسي: عوضنا على الله فيه

تهكم الإعلامي عمرو أديب من تغيير كلمات أغنية «عظيمة يا مصر» في حفل كورال وزارة التربية والتعليم، ووضع اسم المشير عبد الفتاح السيسي، المرشح الرئاسي المحتمل، فيها.
وقال «أديب» في برنامجه «القاهرة اليوم»، مساء الإثنين: «الأبلة بتصقف للواد، يا عيني يا بوبوس، قول تاني يا سيسي أيوة يا أبلة علمي الواد إنه يغني للسيسي من بدري، علموا أولادكم الغناء للسيسي، يا جماعة ما ينفعش، المصريين عندهم حتة بيعرفوا يبوظوا أي رئيس، الزن ع الودان، وبحبوح فخيم.. عوضنا على الله فى الراجل بعد كدة».
وأضاف: «عاوزين منه إيه؟ إيه الغرض من اللافتة؟ إيه المقابل، إيه اللى هيحصل، طب الوزير ده ماشي، إيه الغرض من ده.. قعدوا عملوا بروفات كتيرة على كلمات الأغنية وتغييرها للسيسي بشير المحبة رسول السلام، قبله كان السادات بس كان رئيس، إنما السيسي مابقاش رئيس.. طب لو حمدين بقى رئيس، هنقول صباحي بشير المحبة بشير السلام».