«#سيناء_خارج_التغطية».. دفتر أحوال لمعاناة السيناويين على «تويتر»

دشن نشطاء سيناويين «هاشتاج» تحت مسمى «#سيناء_خارج_ التغطية»، للحديث عن الوضع الذي تشهده سيناء طوال منذ 6 شهور مضت إلى الآن، وضعف شبكات المحمول وانقطاع الاتصالات لساعات في بعض الأحيان، وأظهرت التدوينات مطالب أهالي سيناء في الاهتمام بالمحافظة والعمل على تنميتها وتحسين الخدمات وتوفير الاحتياجات الأساسية اليومية لهم.
وتواصل التغريد بشكل كثيف على «الهاشتاج» من مساء الإثنين، وظهر في قائمة أكثر الكلمات تداولا في مصر على «تويتر» إلى الآن.
#سيناء_خارج_التغطية 6شهور لا بنعرف نتحرك ولا نعرف نشوف شغلنا
— فرغلي (@hema0elfar) March 31, 2014
وقال همام الأغا: «رفح مافيهاش شبكات محمول، صباح الفُل يا شعب نايم في البطيخ».
6 شهور والشبكه مقطوعه علينا من الفجر للمغرب يكفي انك تعرف ان واحد ابوه مات وادفن وهو في محافظه تانيه ومعرفش غير بعديها #سيناء_خارج_التغطية
— kareem elshenawey (@almotataref_k) March 31, 2014
وكتب محمود عفيفي، المتحدث الإعلامي السابق لحركة 6 أبريل، في حسابه «#سيناء_خارج_التغطية شبكة الموبايل بتقطع عنهم بالساعات والنت كمان، جرب تعيش من غيرهم وأنت هتشعر بمعانتهم نظرة لسيناء وأهلها».
6شهور والشبكه بتقطع من الفجر للمغرب طبعا بيقف معاها مصالح كتير زي البريد و التعاملات البنكيه و غيره #سيناء_خارج_التغطية
— ثعلب بالمكسرات (@M_mezo_A) March 31, 2014
وأضاف إسماعيل الإسكندراني، الذي زار سيناء قبل شهور: «وقف الحال والمصالح والأشغال.. يعني العودة لما قبل اختراع التليفون الأرضي».
وأشار إلى أن «إمرأة حامل في العريش وقعت في الحمام مقدرتش توصل لجوزها على المحمول النهاري فكانت النتيجة الإجهاض وكانت هتموت من النزيف»، لافتا إلى أنه «منذ 7 سبتمبر 2013 يتم قطع كافة شبكات الاتصال عن شمال سيناء لمدة تتراوح بين 8 و12 ساعة يوميًا»، بحسب قوله.
بيقطعو الشبكة بالنهار ويشغلوها من بعد المغرب بحجة مكافحة الإرهاب قال يعنى هيخافوا ينزلو بالليل #سيناء_خارج_التغطية
— emad salem (@madosalem) April 1, 2014
وتابع: طارق عبد النبي: «6 شهور وكل يوم نطلع من البيت وإحنا خايفين على أهلنا علشان لو حصل حاجة مش هنعرف».
#سيناء_خارج_التغطية الارهابيين بيستخدمو شبكات اسرائيل لانها شغاله علي طول ومتوغله بسيناء .. يعني قطع الشبكات فقط تضييق ع اهل سيناء
— Aseer El Senawy (@AseerMoh) March 31, 2014
وأكد محمد إسماعيل أنه «مع محاربة الإرهاب بكل حسم لكن ضد العقاب الجماعي».
لما اشوف ارهابي بيزرع عبوه ناسفه او ماسك سلاح مش هعرف ابلغ الجيش علشان الشبكات بتبقي فاصله #سيناء_خارج_التغطية
— Aseer El Senawy (@AseerMoh) March 31, 2014
وقال محمد القصاص: «فى ناس كتير مصدقة إن في مخططات ومؤامرات على مصر.. ونسيوا إنها من دول العالم الثالث».
وعلشان #سيناء_خارج_التغطية كل الميادين والطرق الرئيسيه مغلقه منذ 8 شهور
— Aseer El Senawy (@AseerMoh) March 31, 2014
واعتبر أحمد الغول أن «هاشتاج #سيناء_خارج_التغطية خرج القهر والكبت الموجود بداخل كل سيناوي، وبيوصل معاناتهم للكل بعيدا عن تجاهل الإعلام ووسائله».
#سيناء_خارج_التغطية انا مش عايز رئيس او حد يبقى مسئول علينا .. انا عايز أهل المكان يبقوا صحاب المكان
— كَانتْ رَاو (@cantraw) April 1, 2014
الهاشتاج كان بيرمز لان سيناء خارج التغطية الخلوية وقطع الشبكات لكن الواقع ان سينا خارج التغطية الاعلامية والامنية كمان #سيناء_خارج_التغطية
— يوسف بن تاشُفين (@AGF2989) April 1, 2014