«مرتضى» يهدد بإيقاف برنامج باسم: «فيه راجل محترم يسيب مراته تسمع لفظ إباحي»

قال المستشار مرتضى منصور، عضو مجلس الشعب السابق، إنه المسؤول عن إيقاف برنامج «البرنامج» للإعلامي باسم يوسف أثناء عرضه على قناة «سي بي سي»، وإنه سيكرر ما فعله مرة أخرى بعد عودة «البرنامج» للعرض على قناة «MBC مصر»، مبررًا ذلك بقوله: «برنامج ينشر الإسفاف بين الشعب المصري».
ورفض «منصور»، في حواره لبرنامج «حزب الكنبة» على قناة «القاهرة والناس»، مساء الأربعاء، حضور النساء لبرنامج باسم يوسف، قائلًا: «يعني إيه الستات اللى بتروح تتفرج عليه وتسمع لفظ إباحي، وهى تضحك فين الحياء، وفين جوزك ولا أبوكي، وإزاي يكون في راجل محترم يسمح بذهاب زوجته للبرنامج».
وتابع: «الولد والأراجوز باسم يوسف، أنا خلصت عليه، أنا اللي وقفت برنامجه مش محمد الأمين، روحت لوزير الاستثمار أسامة صالح، احتلينا أنا ومجموعة من المحامين المحترمين في البلد هيئة الاستثمار، وقولنا مش هنمشي، إلا لما باسم يوسف يوقف، وإسرائيل لا تجرؤ على إهانة جيش مصر، وأمريكا بتمول باسم».