مصر اللى فاهمة الحكاية

طَفِى يا أبنى شرارة أغتيالى
م الحُرقة عليكوا ياما بعانى
حاوِط عليا من كيد الأعادى
ده العين عليا و بالشر ناوى
ف وشى سلم و ف ضهرى كاوى
ده عدوى ساحر .. بجرابه حاوى
غرضه واحد ملوش غيره تانى
يفرق ما بينكوا يشرد عيالى
تثور النفوس ..تهون المعانى
تهدر دم أخوك ما بين الحوارى
يضيع تعبى عليكوا طول الليالى
مد يا أبنى أيدك لأخوك ده غالى
هون عليه ده قلبه لسه دامى
خليك الضهر ليه و م الشر حامى
من غيركوا ليا هيصلب مقامى
يِقوَى ضهرى بيكوا و أرد المكادى
خدها كلمة منى من خبرة آلامى
ما يرُد حق غير ضم الأيادى