رخصك .....لو سمحت

نحب مصر جداً جداً ونزعل من اللى بيحصل لنا فيها
نموت ونجيب فيزا السعودية ونموت ونرجع مصر ونسيبها
تبيح الدولة بيع الخمور وتقبض على اللى بيشربوها
تجرم الدولة المخدرات وتحصل الضرائب عليها
نعلم أولادنا لعب الكرة ونمنعهم من إحترافها
نعلم ولادنا الصلاة فى الجامع ونخاف عليهم لحد ما يروحوا البيت بعدها
نؤكد طول الوقت على عداوتنا للصهاينة و نشاركهم فى مزارعنا و مصانعنا
نتذكر أبطال حرب أكتوبر بالفخر ونجيب واسطة عشان تعفى الولاد من خدمة جيشنا
نكره شخصية شوبير وتصرفاته ونتسمر لحد الصبح قدام برامجه
نعمل عمايل عشان نطلع الرخصة ونزعل قوى لما الكمين يقول لنا رخصك لو سمحت
نمقق عنينا مذاكرة عشان نبقى دكاترة ولما نتخرج نكتشف أنه انضحك علينا
نتتريق عالصعايدة فى كل النكت ونتحامى فى جدعنتهم فى أى خناقة
نبنى ملاعب جولف اللى بتاكل الميه ونسجن الفلاحين عشان بيزرعوا رز بياكل الميه
نستنى رمضان شهر العبادة من السنة للسنة ولما ييجى نملاه مسلسلات و مسابقات
نعيط عاللى بيحصل للفلسطينيين لكن مانقفش جنبهم بمظاهرة حتى
نكره أيران الشيعية ونحضن العراق وكأنها مبقتش شيعية
نتفاخر بحضارتنا المصرية و
نموت ونتجهز ونتجوز وبعد كده نتجوز ونموت و نتجهز