كلمات ليست كالكلمات

* وف يوم شفت أنا ماشى فوق المية.. وبطير كل ما تيجى الموجة عفية.. ومسكت بأيدى نجمة كانت بتنور ليه.. بس يا خسارة كانت زعلانة ومطفية.. ما لك يا جميلة زعلانة ومزوية.. فضلت ساكتة ومش عايزة ترد عليا.. ولمحت هناك الشمس الشموسة.. قلتلها ليه كل نجوم الليل.. زعلانة وكمان مطفية.. أتاريها كمان زعلانة وبردانة.. ولا راضية ترد وبكاها شايفه بعنيا.. ومسكت قمرنا وبوست خدوده.. وحلفته بنوره وبكل جدوده.. ليه أنوار الكون غايبة ومخفية.. وأخيراً رد والحزن باين فى صوته.. وبصوت خافت.. قال احنا من فوق شايفنكم.. باعتين من غزة كل شوية.. روح طفل جميل وجميلة صبية.. وصحيت وأنا خايف على غزة.. وف نشرة خمسة أمطار الدم أمطار رعدية.
عبدالرحمن فهمى
fahmyabdelrahman@yahoo.com
* الله يرحمك يا شاويش عطية.. الضحك على شر البلية.. لسه بتشوفوا تبريرات.. والأمور محتاجة حسم.. إيه لزومها الترسانات.. وأسلحة بالمليارات.. فين تاريخك يا قيادة.. فينكو يا أصحاب الريادة.. تركعوا لبوش واليهود.. والله أحق بالعبادة.. بصرخ يا ناس أنتوا فين.. ياعرب يامسلمين.. يا أى حد مؤمن بدين.. أوقفوا جنون الصهاينة.. وأنقذوا ضحايا النازية.
حسن صالح العجوزة
* لما الكون هس هس.. وعالم نايم مش بيحس!.. قالوا نعمل للقضية.. مؤتمر.. قمة عربية ولسه برضه بتنضرب.. بالقنابل والمدفعية!.. شكا الولاد للبندقية.. بدورها حست بالقضية.. إصحى وصحصح واعتبر.. يادم عربى ما معتبر.. لا بالقصايد والغناوى.. والكلام راح تنتصر!.. غير سلاحك ما ينفعك.. فى الغابة ديه ويرفعك.. والقضية تصحى طول ما أنت صاحى بمدفعك.
بهاء الدين حسن
bahaaedden@hotmail.com
*وكأن الدنيا لم تكن هالات صمت تجتاح آفاقى.. أحزن وأضحك فى آن واحد وما أنا بباكى.. أضحك كلما تذكرت عروبتى فهى أصل غير أخلاقى.. كيان أجوف يحمل سيفاً خشبياً ويخشى التلاقى.. قلدونا بها وقالوا خصوركم من غيرها بيداء فيافى.. كذب فقد عمرت البيداء وخصورنا بور هذا كل ما باقى!
وليد جابر
walid_ghhg@yahoo.com
* يا أرض الحضارة وأرض النعم.. لن تستكينى ولن تذوقى السقم.. لن يضيع الحق يوماً وإن انعدم.. دم الشهيد شرف أمام كل الأمم.. شهد لك التاريخ دوماً والقلم.. لم تطفأ لك يوماً شمعة الألم.. يا عرب هلموا سواعد الهمم.. وسيعرفون حتماً معنى الندم.
م.محمد مجدى أحمد شلبى