اللى رد عليك ده يا فندم يبقى الواد ابنى هو يا فندم اللى يوم ما سعادتك اتنقلت للبيت الكبير كان يادوب ابن سبع شهور كبر الخلبوص خلص هندسة اتصالات وبيشتغل ف مصنع المكرونة قسم لسان العصفور كان نفسى يبقى وزير بس أهى كلها شوربة سعادتك كبر الخلبوص والأيام بتجرى يا فندم والدنيا بتلف وبتدور بس إحنا مع بعض والبركة ف الدستور أنا ماعنديش أى مشكلة يا فندم مع وصل النور المنطقة مفيهاش كهربا أساساً والنبى ما تشغل بالك حضرتك فيه احتمال تبقى معانا ف المولد نفسى تحضر يوم طهور الواد متفائل أنا بقيت جد يا فندم ما تنساش المرهم لا إله إلا الله باى باى