رمضان يا شهر الصيام والبر والإحسان يا شهر فيه الرضا منور فى كل أذان زحموك أبالسة بعرض مسلسلات هايفة وكأن هدف الصيام مسلسلات رمضان ■ ■ ■ رمضان يا شهر الإرادة بالعطش والجوع البر فيك والزكاه على البشر مشروع ضيعنا ليه الصيام بأكل حق الناس وليه كتاب ربنا من الشاشات مرفوع ■ ■ ■ رمضان يا شهر الفقير اللى اتنهب حقه وأخدوا منه الرغيف واللقمة من بقه وسابوه يهاتى ويوجع قلبه فى مظاهرات مستكترين فى الفقير ياخد تمن عرقه ■ ■ ■ رمضان يا شهر الإنابة والرجوع لله ما تَبش ليه الأمير ولا الوزير إياه وسابوا ليه البشر تفطر على السلم مقدرش أقول فى الصيام غير منهم لله ■ ■ ■ اتقيدت فى الصيام الجن والعفاريت حتى الشيطان اتحبس ممنوع يخش البيت أمال ما شوفتش شيطان من اللى بالى بالك صام عن نهيبة البلد وسابلنا الفتافيت ■ ■ ■ رمضان يا شهر الصيام إوعى السنة الجاية ألقى الحكومة ورئيسها زى ما هيه والله أزعل وأفطر وأشتكيك لله هو اللى عارف وشاف اللى اتعمل فيه سيد أحمد الهمشرى [email protected]