كلام الناس.. حكم

كل الجمال قايمة بس احنا اللى «جملنا» بارك.. (مدرس مرارته مفقوعة) - الحياة بقى لونها «أزرق».. (صاحب مصبغة) - أحوال البلد دى «سمك لبن تمر هندى».. (طباخ) - معرفش ليه دايماً حاسس إن الحكومة خلت الناس ماشية فى البلد وقفاهم «يقمر عيش».. (خباز) - مين اللى قال إن أكتر من نص شعب مصر بيعيش تحت «خط» الفقر.. أنا بصراحة مش شايف أى خط.. (مهندس مساحة) - عقل بعض متخذى القرار عاوز «صنفرة».. (نجار) - ليه يا ناس مستقصدين د. نظيف مع إنه ابن حلال «مشفى».. (جزار) - آدى «دقنى» لو انصلح حال التعليم فى مصر.. (حلاق) هنلاقيها من «نار» الأسعار، ولّا من «نار» الحر، ولّا من «نار» الحرايق اللى شغالة الله ينور.. (رجل مطافئ)!!
وسيم ميخائيل صموئيل - مدينة نصر