مصر والجزائر.. فى حوار كوروىّ

المتعصب يقول: ندى وردة لكل لاعب.. ودى حاجة نادرة فى الملاعب.. يبقى فريق محتاج المكسب!! يعمل أى خدعة علشان يكسب.. وإنت تقولى ندى وردة لكل لاعب!!
المعتدل يرد: إحنا اسمنا مصريين.. ولمعنى الترحيب فاهمين.. وبنعمل بأصول الدين.
المتعصب: دا إحنا فرقنا هناك اتبهدل.. واتشتت ذهنه والعقل.. ندى وردة مين يا عم.. اللى جاى ده أهم!!
المعتدل:
ادى وردة لكل لاعب.. وبلاش تدور ع المتاعب.. ولو كل لاعب وردة ادينا.. ربنا بالمكسب هيجازينا.
المتعصب:
يعنى إنت كده عايزنا نكسب؟!
المعتدل:
طبعاً.. دأنا بقالى شهرين عمال بحسب.. إزاى نروح كأس العالم.. فريق قوى ولاعبيه فاهمين.. ولربهم دايماً شاكرين.. واسمه منتخب الساجدين.. وفى كأس العالم إن شاء «الله» موجودين.
المتعصب:
علشان كده أنا معاك.. وفى المطار هاكون وياك.. والمبادرة أنا هاقبلها.. علشان بلدى ربنا ينصرها.
محمد مصطفى حافظ - الحوامدية - 6 أكتوبر