السد العالى

ناصر بنى الجيش اللى اتهد             خطّط إزّاى سينا تترد
جمال إللى رمى أساس السد            ماشافتشى زيّو مصر حد
                       على إيديه اتربى أحسن جيل
السد العالى مبنى عشان                  يحيينا ويزوّد الاطيان
يشْبع جعان، يروى عطشان             هوّه والهرم سيّان
                         سد بناه مصرى أصيل
الهرم تربة للفراعين                       مافادشى أبداً مصريّين
ماجالوش يوم وكَّل جعانين               ولا جا يوم شَّرب عطشانين
                         كيف ما بيعمل نهر النيل
حتى القناة مليتها دمانا                      والغرب أصبح من عِدانا
بدل ما تغنى بقت فاقرانا                   لحد ما ناصر جابها حدانا
                           قرار حرق دمّ إسرائيل
لو ناصر ماقامشى بمشروع              غير السد تبوس دماغو الجموع
تتمنّالو من الله الرجوع                     فى عهدو ماحدِّش داق الجوع
                         ولا تركشى فى البلد دخيل
على قاسم - المكس - إسكندرية