شباب "الفيس بوك" يعترض على نتائج الرئاسة على طريقته.. وينشر "ضيعتنى يا جدى مع شفيق"

تسود حالة من الحيرة بين النشطاء السياسيين وشباب الثورة بعد تصويت نحو 5 ملايين شخص للفريق شفيق فى الجولة الأولى من الانتخابات الرئاسية.
فالكل متعجب والجميع غاضب والسؤال المتداول "مين أدى صوته لشفيق؟!!" ورغم حالة الحزن بين شباب الثورة إلا أن السخرية وخفة دم الشباب المصرى لم تنتهِ فالشباب الثورى على طريقته اتهم الكبار بأنهم أضاعوا الثورة بالتصويت لصالح الفريق.
وكان من بين تلك المنشورات الساخرة على موقع التواصل الاجتماعى "فيس بوك" حوار فوزى ونبيه والذى رصد له كاتب الحوار عنوان "ضيعتنى يا جدى"
والذى جاء كالتالى"
حوار عند كشك الجرايد: بين فوزى 78 سنة ونبيه 82
القصة درامية ومستوفااااااااااااااة من أحداث واقعية 100% التغيير فقط فى أسماء الشخصيات
فوزى: أديت شوتك لمييييييييين؟
نبيه: أه بتقول إيه مش شمعك
فوزى: شوتك... شوتك
نبيه: أااه شفيق بأجن الله
فوزى: أيوة كدة شيادة الفييق مفيش أحشن منه
نبيه: ايوة الشيلة كيها اتفقت عليه
أنا وتاحا وشكشك وزيكا وعم فتحى بتاع إعلان ميودى
فوزى: أيوة كدة مش شوية عيال فيا فيرر "فرافير - شباب الثورة يعنى" هيتحكموا فينا
نبيه: أقعد شاكت ده أنا من يوم البتاعة اللى عمايوها دى ومتغاظ غيظ... ومشدقت فشيت غيلى فى الشندوق.
فوزى: وأنا قلت لااااازم أخد شفيق حتى لو هممممموت... وخدت معاية كيسى وشيته ودوا السكى والطغط والحموووووووضة.
وفعلا هوده اللى حصل الشعب كله جاله حموضة بعد ما سمع كلامك يا جدى انت وهو
....................."