********* طلبت من سائق التاكسى ان تستعمل هاتفه المحمول ، واتصلت باختها - يا حبيبتى ، وحشانى انا فى مصر وبعد خمس دقايق تحت بيتك البسى وانزلى خدى مني شنطة مهمة شيليها عندك مش عاوزة اروح بيها قالت اختها مندهشة : انتى جيتى امتى وازاى يا نوال ؟؟ وشنطة ايه ؟ انا نازلة حالا دقايق ووقف التاكسى امام المنزل اعطت اختها الشنطة وقالت : دى سر مش عاوزة حد من البيت يعرف انها عندك - قولي لى اولادك يعرفوا انك جاية انهاردة - لأ ، انا عملاها مفاجأة جميلة - دى مفاجأة مرعبة ، هههههههه - مرعبة ليه ؟ - مفيش حاجة يا حبيبتى ، ومعاكى شنطة واحدة بس ليه ؟ فين شنط هدايا الاولاد وجوزك ؟ - هدايا ؟ هدايا ايه ؟ انا اتغربت سنتين عشان اعمل لهم فلوس - اولادك عايزينك انتى مش الفلوس ، والحمد لله انتو مرتاحين جدا ، وجوزك عمل لهم عمارة ووفر لهم السكن وهما لسه اطفال - عن اذنك وابقى تعالى زورينى بعد بكره كأنك ما تعرفيش انى جيت النهاردة ، وبلاش تتصلى بالاولاد تحرك التاكسى ، وبدأت نوال تسأل نفسها : مفاجأة مرعية ليه ؟ لازم تكون جميلة وسعيدة ، وهل هى اخطأت لانها تريد المزيد من الرفاهية لها ولبيتها ؟ ، نعم لديهم اجمل واكبر عمارة فى الشارع ولكل ولد دور كامل بها ، زوجها لم يبخل بوقته وماله ومجهوده على بيته ، ولكنها تحلم وتطمع فى المزيد ، تحلم بفيللا ، وشاليهات فى المصيف للاولاد ، وتغيير السيارة كل عام ، مثل مرفت صديقتها ، لا تنسى ان زوجها رفض بشدة فكرة سفرها لعدم الاحتياج وللاهتمام بتعليم الاولاد ورددت كلمته الشهيرة : علموهم ولا تورثوهم ، نعم ترك لها حرية الاختيار والقرار ، بعد ان تناقشت مع اولادها الذين رفضوا فكرة السفر معاها او بمفردها ، ولكنها اصرت من اجل المال والفيللا والسيارة الفارهة رنت جرس المنزل ، نظر احمد من العين السحرية وصرخ مندهشا وهو يفتح الباب :دى ماما جرى ابناؤها الاربعة عليها ، احتضنتهم وقبلتهم ، واندهشت وهى ترى نادية البقالة تقف فى الصالة - مين دى ؟ نادية البقالة ؟ هى كانت بتوصل لكم طلبات ؟ وكاشفة شعرها ليه ؟ ولابسة لبس بيت ليه ؟ - دى مراتى ، قالها الزوج بهدوء شديد - مراتك ؟ البقالة بفت مراتك ؟ - نادية مراتى وهى جامعية زيك بالظبط وكانت بتساعد ابوها فى المحل قالت نادية : عن اذنكم داخلة انام - تنامى ؟ تنامى فين ؟ فى اوضتى وعلى سريرى قالت سلمى لامها : يا ماما ، ماما نادية بتنام معايا انا فى اوضتى - ماما ، ماما نادية ، هى خلاص بقت ماما واخدت مكانى فى البيت - ماما نادية هى اللى بتسهر معايا وتذاكر لى وتسرح لى شعرى وانا رايحة المدرسة ، وكمان بتدينى الحقن بتاعة علاجى - بفلوسى اللى كنت بابعتهالكم من الخليج هات شغالة للاولاد ، مش تتجوز بفلوسى اخرج الزوج دفتر توفير من المكتب الموجود فى ركن الصالة وقدمه لها - كل قرش بعتيه ، هنا فى دفتر التوفير بإسمك تصفحت الدفتر سريعا ونظرت على اجمالى المبلغ وقالت : ناقص 10 دولار - العشرة دولار رسوم اصدار الدفتر واتعاب البنك قال عمرو: يا ماما احنا كنا محتاجينك انتى مش شغالة ، محتاجين ام مش فلوس - وكمان عملت غسيل مخ للاولاد طلقنى يا علاء ، طلقنى حالا - حاضر بكره الصبح نتفاهم ، ادخلى ارتاحى وبكره .. تناولت مفاتيح شقتهم القدمة التى تزوجت بها من 17 سنة وقالت : انا ريحة ابات فى شفتنا القديمة ، يللا يا اولاد تعالوا معايا لم يتحرك احد سوى محمود الكبير - انت حبيبى يا محمود ، نص الشنطة اللى معايا دى عشان - انا جاى معاكى اجهز وانضف لك مكان النوم بس ، وراجع تانى هنا ------------ مهندس / صلاح منصور