أحمد حلمى يوضح حقيقة ظهوره مع ميسي

أعلن أحمد حلمى على صفحته الخاصة بالفيس بوك نفيه ماتردد من انباء حول مقابلته مع اللأعب النجم الأرجنتينى "ليونيل ميسى"، مشيرأ ان كل منها صور الجزء الخاص من الإعلان فى بلده، ولم يتقابل معه.
وقال حلمى:"يا اصدقائي انا مقولتش اني قابلت ميسي ولا حتي شفته، انا قولت "ده اعلاني الجديد مع ليونيل ميسي" انما كل واحد مننا صور الجزء بتاعه في بلده، وده الطبيعي اللي بيحصل في الاعلانات اللي بيكون فيها كذا شخصيه من جنسيات و دول مختلفه".
واعترف حلمى إنه اخطا عند عدم توضيح فكرة الإعلان حيث توقع أن الفكرة قد تكون معروفه، فقد قال"ممكن تكون غلطتي اني موضحتش طريقة عمل الاعلان .. بس ده لاني تخيلت ان دي حاجه ممكن تكونوا عارفينها".
وأكد حلمى: وعلي فكره في اعلانات كتير اجنبيه اتصورت بالطريقه دي برضه، بس طبعا كله لازم يكون بالاتفاق والموافقه مع كل الاطراف اللي هتظهر في الاعلان، يعني كل واحد لازم بيبقي عارف مين الشخصيه اللي هاتظهر معاه في الاعلان ولازم يكون موافق عليها كمان، والا كان بقي زمان كل واحد راح عمل اعلان لنفسه حط فيه كل نجوم العالم ".
##
##