بالفيديو.. أحمد حلمي:"أنا مقولتش إني قابلت ميسي ولا حتى شفته"

نفى الفنان أحمد حلمي، أنه قام بمقابلة النجم الأرجنتيني ليونيل ميسى ، موضحا بأن كلا منهم قام بتصوير دوره الخاص فى الإعلان فى بلده.
وقال حلمي عبر حسابه بموقع التواصل الاجتماعى فيس بوك ، أنه أخطأ ولم يقم بتوضيح طريقة تصوير الإعلان، قائلا يا أصدقائى وصديقاتى الأعزاء، أنا مقولتش إنى قابلت ميسى ولا حتى شفته، وأنا قولت ده إعلانى الجديد مع ليونيل ميسى، إنما كل واحد مننا صور الجزء بتاعه فى بلده، وده الطبيعى اللى بيحصل فى الإعلانات اللى بيكون فيها كذا شخصية من جنسيات ودول مختلفة، ممكن تكون غلطتى إنى موضحتش طريقة عمل الإعلان، بس ده لأنى تخيلت أن دى حاجه ممكن تكونوا عارفينها .
وأضاف: وعلى فكره فى إعلانات كتير أجنبية أتصورت بالطريقة دى برضه، بس طبعا كله لازم يكون بالاتفاق والموافقة مع كل الأطراف اللى هتظهر فى الإعلان، يعنى كل واحد لازم بيبقى عارف مين الشخصية اللى هاتظهر معاه فى الإعلان ولازم يكون موافق عليها كمان، وإلا كان بقى زمان كل واحد راح عمل إعلان لنفسه حط فيه كل نجوم العالم .
وأشار قائلا: على فكره أنا لما عملت الصفحة دى عملتها علشان أكون متواصل معاكوا، مش علشان اخدعكوا، لان أخر حاجه ممكن اعملها فى حياتى هى أنى اخدعكوا أو اضحك عليكوا، لانى قبل ما اخدعكوا هاكون بخدع نفسي، اوعدكوا المرة الجاية فى إعلانى مع جيمس بوند هابقى دقيق اكتر من كده، مافيش إعلان مع جيمس بوند ولاحاجه، أنا بهزر لحسن تاخدوها بجد ، وكل سنه وانتوا طيبين .
Post by أحمد حلمي Ahmed Helmy .
وكان حلمي قد شارك مع جمهوره إعلانه الجديد لإحدى الشركات مع مسي وعلق علية: اعلاني الجديد مع ليونيل ميسي ، الأمر الذي أربك بعض جمهوره، وأثار عدد من التساؤلات حول لقاء الاثنين من عدمه.
Post by أحمد حلمي Ahmed Helmy .