يا سيسى ..تعالى بالعجل

جميل جدا .. ان يصحو ريسنا . من طلعة الفجر .. نشيطا . رياضيا متوكلا على الله . متفائلا بيوم اجمل .. لمصر والمصريين
وجميل .. ان يرتدى ملابسه الرياضية . ويلف شوية . حول التراك . او حول سور الرياسة . او فى الحديقة الملحقة . بمقره العامر. بقصر القبة
والاجمل.. ان يفعل ذلك كله . بمصاحبة وزرائه . كا ستفتاح لليوم . وبداية للعمل .. والانتاج . وكمان الاجمل .. ان يدعو . طوايف من الشعب. بين كل حين . ومين للمشاركة فى النشاط . والماراثون الخاص
بالعجل . لمسافة لاتقل .. عن 20 قول 30 كيلومترا . فى كل مرة .وعلى المتكاسلين . ان يلزموا بيوتهم
ولكن الاجمل .. من كل ده . ان يتحول هذا . لسلوك عام . فى البلد كلها اللى .. بتصحى على افضل الاحوال .بعد الساعة اتناشر الضهر . وانت طالع . وبتنام من الساعة. اتنين بعد نص الليل. وانت طالع . وان كنت مش مصدقنى .. انزل . وشوف بنفسك .. الكافيهات .والمقاهى . ولا مؤاخذة .. الغرز .اللى فاتحة . طول الليل . ودون رقابة . والناس عايشة فيها .. حياتها عادى جدا . وكانهم لا شغلة . ولا مشغلة
و تروح بعيد ليه.. خليك بالبيت . وشوف نفسك. وجيرانك .واهلك وخلانك .
قاعدين . متسمرين . ادام الفضائيات .. لحد الساعة . كام الصبح
يا ريس ...
انت تريد
وانت تبدا بنفسك.
بركوب العجلة ..
وبتطلع ما شاء الله .. الاول كمان
واللهم لا حسد .
ولكن سيادة الريس ...
الشعب الغرقان .. فى الكسل . وفى .. لا تؤجل عمل اليوم. الى الغد
بس ممكن .. تؤجله لبعد الغد
محتاج هزة .
فشر 8 قول 9 بمقياس ريختر.. بتاع الزلازل
مش كفاية .. تاخد كام رياضى
على كام فنان .
على كام وزير.
والذى منه ..
وتخليهم .. يجروا معاك
عاوزين مصر.. ما تجريش بس . عاوزينها . تنط . وتقفز
الموانع ..
وهى كتيرة . وزى الهم على القلب .. كما تعرف
وعاوزين الناس . ما تفتكرش ان اللى بتعمله ..مجرد احتفال
ومش رسالة .. زى ماانت تقصد
عاوزين الناس .. تعرف الخيبة التقيلة . اللى احنا فيها . واللى مستمرة معانا من 50 قول 60 سنة .. وطول عمرنا . بنعالجها بال ..مسكنات والمساعدات . والمنح .. من كل من هب . ودب
عاوزين .. عجل بس .. مش من بتاع عم رزة العجلاتي . اللى بينفخه على 30 بالشتا .و28 بالصيف
عاوزين عجل انتاج ..
وعجل ابتكار .
وعجل خبرا بجد . مش اهل ثقة .
وعجل مخلصين ..
مش منافقين .
ولا .. مطبلات