فيديو.. حسن يوسف: "25 يناير قلة أدب وسفالة"

أبدى الفنان حسن يوسف، تعاطفه مع الرئيس المخلوع، حسني مبارك، منذ اندلاع ثورة 25 يناير، معربًا عن استيائه مما أسماها "الإهانات" الموجَّهة لمبارك.
وخلال لقائه بفضائية "صدى البلد"، مساء أمس، قال يوسف: "أنا متعاطف معاه منذ ثورة 25 يناير، لأنه رئيس حكمني 30 سنةً، ولما الشباب يقولوا عيش وحرية وعدالة اجتماعية وتغيير ده أمر مقبول، لكن نلاقي الناس بتقول ارحل وشتيمة وقلة أدب، واحنا كده قولنا للعالم العربي في الثورة إن فيه سفالة في الأخلاق، ومفيش عندنا وفاء".
وأضاف: "في يوم 27 يناير، اعتذرت للرئيس مبارك عن اللي حصل، وبكيت على الهواء، وبعدها اتصل بيا علاء مبارك وقالي إن الرئيس بكى هو الآخر بعد المكالمة، وأنا متعاطف معه وأرفض الإهانة له، وأنا شايف إن المحاكمة إهانة وميصحش كل يوم نصحي الرئيس علشان المحاكمة".