نوارة نجم ل"الإخوان": "مش هننزل محمد محمود تاني وموتوا لوحدكو"

أكدت الناشطة السياسية نوارة نجم عدم مشاركتها فى إحياء ذكرى محمد محمود الثانية، لافتةً إلى أنهم تعرضوا للسحل والضرب خلال إحيائهم للذكرى الأولى إبان عهد الرئيس المعزول محمد مرسى.
وقالت نجم - فى تدوينة لها عبر موقع التواصل الاجتماعي "فيس بوك" -: "بالنسبة للإخوان بس بيقولوا إنهم مش إخوان وبيسألونا اشمعنى نزلتوا ذكرى محمد محمود 2012... عشان بعيد عنكوا كنا بهايم وفاكرين إن مرسي مرشح الثورة ومش معقولة يسلط علينا الداخلية تضربنا وإن الأوضاع اتغيرت واللي حصل أيام طنطاوي مش حيحصل تاني... بس فوجئنا بأن "مرشح الثورة" بيسلط علينا الداخلية تضرب فينا أسبوع بحاله في محمد محمود وبعدين القصر العينى"..
وتابعت نجم: "إحنا ما كناش نازلين السنة اللي فاتت نشتبك مع الداخلية، كنا نازلين نحيي الذكرى ونطالب مرسي إنه يحاكم اللي أجرموا في حق شهداء ومصابين محمد محمود، بما إنه مرشح الثورة الأعظم... انتوا مش مكسوفين من نفسكوا؟!!، لا وعايزينا ننزل نموت تاني بعد ما جرجرتونا نموت وخلعتوا منا عشان تحصدوا مكاسب.. لا بقى.. موتوا لوحدكم".