باسم يوسف يعود لارتداء "بالطو" الطبيب في جروب للتخسيس والاهتمام بالصحة

عاد الإعلامي باسم يوسف، لارتداء "بالطو" الأطباء الأبيض وممارسة وظيفته كجراح قلب، من خلال جروب عبر موقع التواصل الاجتماعي "فيسبوك"، للاهتمام بالصحة وإنقاص الوزن، وذلك بعد تدشينه بواسطة الكاتب مصطفى حلمي، والذي شرح نظامًا غذائيًا لفقدان الوزن بطريقة سليمة دون حرمان الجسم من اي عناصر غذائية مطلوبة، بعد نجاحه في فقدان 43 كيلو جرام خلال خمسة أشهر فقط. وأكد حلمي أن "نظام الحياة" أو Plant based diet، بدأه باسم يوسف قبل نحو عامين ونصف، وحكاه له وقتها للحفاظ على الصحة، دون أضرار على الجسم.
##
ويعتمد "نظام الحياة" على الانقطاع عن تناول أي منتجات حيوانية (لحوم، طيور، أسماك، لبن، جبن بجميع أنواعها)، وكذلك منع الدهون بجميع أنواعها (سمن، زبدة، زيوت بما فيها زيت الزيتون)، وكذلك المأكولات المركزة أو المحسنة او المحفوظة (معلبات، ديبس رمان، دقيق أبيض، مياه غازية)، والأهم منع تناول الملح والسكر بشكل كامل. ورفع حلمي عدة شعارات أساسية منها "كل لما تجوع وبطل أكل لما تشبع.. الأكل الدسم المركز بيضرب الPleasure centerعندك في المخ، فبيخليك تاكل حتى بعد ما تشبع، كل ما تاكل حاجة فيها سعرات كتير، كل ما جسمك يبسطك أكتر.. الكاربوهيدرات (النشويات) صديقتك، مش عدوتك.. النسبه المثالية المفروض تكون بالتقريب كالآتي: 80% نشويات وبقول و10% خضار و10% فواكه.. ماتقعدش تحسبها بالورقة والقلم، اوزنها في دماغك بس كده.. لو لاقيت نفسك بتاكل بطاطس من أول اليوم، اعرف إنك المفروض الوجبة اللي جاية تاكل شوية سلطة وشوية فاكهة.. في معظم الوقت هتلاقيها بتيجي لوحدها.. ماتعسفش نفسك.. ومش لازم تبقى مثالي قوي".
##
وقد تفاعل رواد موقع التواصل الاجتماعي مع النظام الجديد، وشارك في الصفحة أكثر من48 ألف شخص، قاموا بطرح الأسئلة حول النظام الجديد، ومدى تأثيره على المرضى، وتبادل وصفات الأكلات الصحية بشكل عام بينهم.
وتفاعل باسم يوسف مع رواد الجروب بكتابة بوست، شرح فيه حرصه على نظام Plant based diet، وعدم إمكانية خداع الجسم بتناول أطعمة زائدة عن الحاجة، أو مخالفة النظام، وكذلك استطاعته التخلص من إحساس الحاجة لتناول الدواجن واللحوم.
وسرد باسم أنه خلال عيد ميلاد ابنته نادية منذ أيام، قرر مخالفة النظام بتناول البيتزا والكيك، ما أدى إلى مرضه في اليوم التالي، فقرر تجربة الصيام الطويل لمدة 50 ساعة متواصلة، وتناول المشروبات الساخنة والمياه، ما ادى لتحسنه بشكل ملحوظ، إلا أن تناوله للكب كيك خلال تصوير أحد البرامج بالخارج، أدى لتدهور صحته من جديد، فعاد للصيام مرة أخرى لمدة 24 ساعة، فتحسنت صحته.
وكتب باسم: "الواحد فعلا بيبقى فافي خالص بعد النظام ده لما يرجع "للأكل المعتاد"، جسمك بيبقى حاجة تانية، زي اللي بيبطل تدخين وبعدين لما يرجع يكح ويمرض، جسمك فعلا بينضف، وأنا معدتي ماشاء الله كانت تخلص على اتنين تلاتة برجر وبيتزا وبسبوسة وأم علي في قعدة واحدة، دلوقتي ما أستحملش قطمة من دول.. كمان الصيام ده شئ نفسي فعلا، الامتناع عن الأكل مش مصيبة زي ما إحنا فاكرين، بالعكس بيفيد الجسم جدا وبيعمله reset، ويعالج نفسه من أول دور البرد للالتهابات لأمراض مستعصية كتير.. بلاش تغش، جسمك حيعاقبك".
##
وبعد هجوم عدد من مفضلي تناول اللحوم والأسماك على الجروب وطبيعة النظام الغذائي، لجأ أدمن الجروب مصطفى حلمي للرد: "غالباً المعلومة اللي عند معظم الناس هي إن اللحوم والألبان والعسل هم اللي كويسين.. لو الناس فاكراهم وحشين.. ماكنتش عملت الجروب ده أساسا ولا بقى له لازمة... ده جروب معمول عشان يتكلم عن نظام معين..واللي عايز يتعلمه ويقبله زي ما هو أهلاً وسهلاً..اللي مش عايز هو حر.. مابنبعتش اتنين مخبرين يجيبوه مبنى الأمن النباتي في شوال".
يذكر أن باسم يوسف قد تعاقد مع موقع F-Comedyعلى تقديم برنامج جديد عبر الإنترنت، يتبع شركة Fusionالعالمية، حيث يحمل اسم دليل الديمقراطية وبالإنجليزية The Democracy Handbook، حيث من المقرر أن يتم عرضه خلال الربع الأول من العام الحالي على وسائل إعلام شبكة FUSIONالإعلامية المختلفة، ضمن تغطية الشبكة للإنتخابات الأمريكية الرئاسية.