شريف مدكور: أنا ضد الاحتفال بعيد الأم والإعلام يتاجر بالأيتام

قال الإعلامي شريف مدكور إن «عيد الأم مناسبة حلوة للبعض، وتكون ذكرى حزينة للآخرين لوفاة أمهاتهم».
وأضاف «مدكور» خلال برنامجه علي اذاعة اف ام «أنا ضد الاحتفال بعيد الأم، لأن كل يوم الأم تعيشه مع أولادها وشايفهم في أحسن صحة جسدية ونفسية فهو عيد لها، وكل وقت بيعدي علينا بنشوف أمنا وأبونا في أحسن صحة بيكون عيد علينا».
وتابع: «عيد الأم صعب ويصيب بتواترات لدى البعض، فمثلًا الزوج ربما تكون أمه متوفية، والزوجة أمها على قيد الحياة فده ممكن يحدث خلافات»، مقترحًا بتحويل عيد الأم إلى «عيد الأسرة».
واضاف مدكور، الاثنين إن «يوم اليتيم الموافق 1 أبريل صعب، وفي حاجات بتحصل من الإعلام في اليوم ده مش لطيف، يعني تلاقي الكاميرات والقنوات رايحة دور الأيتام، والإعلاميون والفنانون يدوا لعب للأطفال، وفي طفل يتيم قالي أنتم بتيجوا تتفرجوا علينا، وتتاجروا بينا».
وتابع «مدكور» أن «م نيومها مش بروح أي دور أيتام، لأن لو عايزين نساندهم لازم نروحلهم كل يوم ونساندهم في حياتهم الصعبة بعد وفاة آبائهم».
وأوضح أن "الدعاية لليوم ده في التلفزيون بتكون سيئة، وبتخلي الواحد يصاب باكتئاب، ونحن لازم نساند الأيتام كل يوم ونكون معاهم مش نجرحهم في يوم ونتاجر بيهم".