محمد عطية: "القناة الجديدة تفريعة.. وهنفرح لما نتمتع بالعدل والحرية"

قال الفنان محمد عطية، اليوم الإثنين، إن قناة السويس الجديدة «تفريعة» للقناة الرئيسية، مؤكدًا أن «هناك تفريعات أخرى أكبر منها»، حسب وصفه.
وكتب عطية، عبر حسابه الشخصي بموقع التواصل الاجتماعي فيسبوك، «أنا هافترض إنها بمثابة 10 قنوات جدد، وهتدخل مليارات الدولارات في اليوم، كده مصر بتفرح، على أساس إنك كمواطن عادي مستفيد من دخل القناة الأساسية، وكذلك أي مشروع قومي آخر، عارف فلوسهم بتروح فين، ده إحنا جمعنا فلوس كتير السنة اللي فاتت ولا حد يعرف عنها حاجة ولا حد بيحاسب حد».
وأضاف عطية: «الناس مش لاقية تاكل، الدولار وصل لأعلي سعر ليه، التعليم والصحة زفت، البطالة في تزايد رهيب، والأمن حالته يرثى لها»، مستكملًا: «وإيه حال المعتقلين، الحرية أهم من الأكل والشرب، صدقني الحرية اللي إنت بتحاول تمنعها دي ممكن في يوم تيجي تنادي بيها لابنك أو بنتك، ووقتها مش هتلاقيها».
وتابع: «الحل الوحيد إنك تحارب عشان تحصل على الحرية المطلقة مثل البلاد المحترمة»، متسائلًا «وماذا عن التعذيب في السجون، حق الشهداء.. الغلابة»، واختتم: «مصر هتفرح سيادتك لما يكون فيها عدل وحرية وكرامة وإحترام لآدميتك، وكمان سنة هنشوف حال البلد بقى فين بعد التفريعة الجديدة».