جد فاهم حاجه ؟؟؟؟؟؟؟؟؟؟

وحيد راضى
حالة من التخبط والإرتباك تسود فى المجتمع ومنتشرة فى كل
الإتجاهات وجميع الفئات بدئا من الحكومة مرورا بالمثقفين وصولا الى عامة الشعب ادت هذة الحالة
ان مبقاش حد فاهم حاجة فى اى حاجة البلد راحة فين وجاية منين مش عارفين.
يعنى اية الثورة تقوم عشان تلغى حالة الطوارى والنهاردة
الحكومة اكدت استمرارها مع توسعات فى استخدامها كمان مش عارفين لية.. هو الامن ميعرفش يظبط البلد الإ بالطوارى.
حدوتة الدستور اولا ام الانتخابات اولا بعد الإستفتاء قالك
الإنتخابات البرلمانية اولا....ناس كتير بتظلم نفسها تروح تصوت وهى مش عارفة الدستور اولالية او الانتخابات اولا لية
ولا تعرف يعنى اية انتخابات فردية ولا تعرف يعنى اية
قائمة نسبية وفى الاخر يقولك الشعب هو اللى اختار .
الحد الادنى والاقصى للاجور محدش عارف بيتحدد على اى
اساس وزير المالية السابق سمير رضوان حددة حوالى 700 جنية والوزير الجديد حيحددة قريبا هيكون كام يعنى 7000جنية
والحكومة ووزارة المالية زى مايكون مفيش غير الخمسة او الستة مليونموظف اللى فى البلد يعنى مفيش
قدهم مرتين او اكتر من العاطلين ولا حد بيتكلم عن اى حاجة
تخصهم .
اعتصامات 'مظاهرات فى كل مكان لتحسين اوضاعهم عندهم
حق ثورة قامت ولازم ظروفهم تتحسن بس الحكومة عاملة نفسها
مش شايفة اى حاجة والناس مش عايزين يعرفوا ان هما صبروا 30 سنة يصبروا كمان
كام شهر على ما المرحلة الصعبة دى تعدى انما الكل بيضرب على الحديدوهو سخن.
كمان حاجة محيرة اوى وغير مفهومة موضوع وزارة الاعلام
الغوها عشان الدول المتقدمة مفيش فيها وزارة للإعلام حتى تكون حرية الراىمتاحة للجميع دون توجية او رقابة
..بعد شوية لقينا وزارة الإعلام رجعت منعرفش لية بس
يمكن عشان المجلس العسكرى محتاج متحدث رسمى مقبول
شوية زى ما الاستاذ اسامة هيكل وزير الإعلام بيعمل بالظبط مبنشفوش غيرفىبيانات المجلس العسكرى انما اصلاحات
فى التلفزيون ولا ضاف اى جديد...
والله فكرونى بموضوع ستة ابتدائى شيل ستة ...رجع ستة واتحدى ان يكونفى حد فاهم لغز ستة ابتدائى
.من المعروف ان الشرطة مسئولة عن حمايةالوطن والمواطنين
بس فى المظاهرة الاخيرة قالوا كل واحد مسئول عن
حماية نفسة بس هما عندهم حق لان الشرطة عايزة اللى يحميها .
قرارات ,تصريحات,اتهامات دون شرح او تفسير مما يزيد من حالة التخبطوالإرتباك ولكن
من السئول عن هذة الحالة هل المجلس العسكرى اللى فى كل
قراريصدرة دون تفسير يقول السرية وامن البلدولا الحكومة اللى تايهة فى البلد لدرجة ان هى مش عارفة تاخد قرار
نطرد السفير الاسرائيلى ولا لا. اساسا رئيس الحكومة مش
عارف يستقيل يبقى هياخد قرار فى بلد بحجم مصر .اللخبطة اصبحت سمة اساسية فى كلقرار عشان كدة الناس مش فاهمة
اى حاجة غير حاجة واحدة بس ان كل اللى بيحصل
دلوقتى فى البلد مش فى صالح مصر.