التطور الطبيعى للردح في مصر

الشتيمة في مصر اتخذت مؤخرا منحنى جديد، حتى أن كلمات الردح المتعارف عليها والتي تعد جزءا أصيلا من التراث الشعبى لم تعد مستخدمة كثيرا، والأكثر من ذلك أن البعض ابتكر كلمات جديدة ليس لها علاقة بالردح وكثيرا منها ألفاظ أجنبية لا تتفق ترجمتها والهدف المستخدمة من أجله، بل البعض يعتبرها أكثر تجريحا من الكلمات القديمة، والأغرب أن تلك المصطلحات أكثر شهرة واستخداما من قبل الرجال فعلى سبيل المثال
موقف حدث بين اثنين من سائقى الميكروباص.. جه ميكروباص كسر على ميكروباص تانى وعدا منه
فالسواق طلع دماغه وقاله هقولك إيه منتا عيل فيمص " قاصدا Famous "أي مشهور يعني زي ماكلنا اخدناها في تالته ابتدائي
التاني طبعا مسكتش... اللي هو ازااي يقوله كده....قام نازله وشده ونزله من العربية...وقاله بتقول لمين فيمص يا...
هوب ومسكو في بعض والناس تسلك... وسواق الميكروباص يقوله أنا هوريك مين الفيمص يا ابن... وخناقة كبيرة
رجع السواق والدنيا اتلمت... ولع سيجاره عشان يهدي سأله راكب:
هو نزل يتخانق معاك عشان فيمص دي !!
-آه... دي عيال فيمص بنت..
ممممم... هو يعني إيه فيمص ؟!
-دي شتيمه وحشة... زي فاك يو كده
Fuck u....شتيمه أجنبي يعني.... طب معناها إيه
-آه... تقريبا معناها عيل ملعوب في أساسه...عاوز ظبط زوايا هاهاهاها إنت تعرف حد فيمص ولا إيه !!
لا أصل كذا حد قالي إنت بقيت فيمص...ومكنتش عارف معناها...يلا الله لايسامحهم....بس أنا والله مش فيمص ياسطي...أنا راجل أوي يعني
-لا خد بالك.. دي حاجه وحشة جدا
طب على جنب هنا ياسطي... وربنا يبعد عنك كل فيمص "Famous "... وأي بني آدم Co operative في الزمن ده.... ويكفيك شر أي Good luck في الدنيا دي
- أمين يارب العالمين... حبيبي يا هندسة!