دخل الرجل الاربعيني وبنظرة سريعة في العربة وقف امامي اتاخر شوية يا استاذ علشان اقعد الكنبة دي بتاخد تمانية انتوا قاعدين 7 مين قال انها بيقعد عليها تمانية ؟ انا عارف انها 8 منين جبت المعلومة مكتوب في ارشادات ركوب المترو الكنب بيقعد عليه 8 ولا على ضهر التذكرة لا هي معروفة من زمان انا مصر اعرف برضه مصدر المعلومة حد قريبك في المترو قالك كده طيب سؤال هما قالوا تمانية فعلا بس محددوش الاوزان مثلا ولا سابوها مفتوحة كده يفكر الرجل بص يا استاذ هو في الكتالوج بتاع المترو قالوا الكنبة 8 يابانيين مش مصريين اوزانهم زي ما انت شايف الرجل مل من الحديث في اصل كنبة المترو ونزل المحطة اللي بعدها وهو بيبرطم غالبا كان بيشتمني انا والست الفاضلة والدتي