علي موسى: بحب أصور الشارع لأن الناس حواديت

أنا على موسي تميت 18 سنة في 24 يوليو اللي فات.. من وأنا في أولى إعدادي كان عندي كاميرا محندقة كده بصور بها قرايبي، لكن بعد ثورة يناير قدرت أقنع والدي يجيبلي كاميرا محترفة شوية، وفي ورش مشروع كروال اتعرفت على جورج عبد الملك، اللي كنت بلعب في الكاميرا المحترفة بتاعته وأصور بها كتير، وهو قعد يعلمني وقتها إزاي أصورة "مانوال"، لغاية بقي ما جيبت الكاميرا بتاعتي اللي اسمها "سنوفة" على فكرة، والاسم ده اختارته واحدة صاحبي إسكندرانية..
ده كانت تقديمه لنفسه من غير أي رتوش ولا أضافات مننا، لكن في حوارنا معاه قال كلام أكتر بكتير من المقدمة، يثبت بزيادة إن الإحترافية مش بالسن، والموهبة تستحق التقدير، خاصة لو صاحبها كمان بيسعي دايمًا إنه يقاوم أي صعوبات "على موسي"..