-بجد انا متأسفه اني تعبتك النهارده...انت زي ابني برده =لا ولا يهمك... انا تحت امرك -ربنا يخليلك ولادك وتفرح بيهم... انت عندك أولاد ؟ = لا والله لسه مش متجوز -ايه ده لسه متجوزتش !!! لا ربنا يرزقك الزوجه الصالحه... شد حيلك * غمزه * *بعد يومين * = اخبار الحشو ايه...واخبار الالم راح ؟! - تسلم ايدك الحمد لله كله تمام..بس كنت جايبه بنتي "علا" تكشف عشان سنانها مفيهاش أي حاجه بس احنا بنحب نعمل تشك اب من وقت للتاني اطمئنان مش اكتر...عيله جامده فشخ احنا هاها = اه تمام تحت امرك...افتحي يا استاذه علا بقك -علا..انسه لسه يادكتور...بس ماشاء الله عليها في كليه التجارة... في آخر سنه ومتفوكة جدا في دراستها.... وبتجيب جيد جدا كل سنة.. =ماشاء الله... ربنا يكرمها... افتحي بقك بقي يا انسه علا.. *بتفتح بقها =لا تمام زي الفل...سنانك ممتازه...مش محتاجه أي حاجه -ايه الأحمر اللي على الجوانتي ده !!! دم !! = لا ده روج الانسه علا..بس شكل صباع الروج صيني...بيطلع بسرعه -اها...علا اكتر واحده في البيت بتغسل سنانها...بجد ماشاء الله عليها... واكلها يجنن...ياريتنا كنا جبنا صنيه الكنافه بالقشطه اللي عاملاها...بجد هتاكل صوابعك وراها =ماشاء الله... ربنا يوفقك يا انسه علا ** علا: ممكن اجي استشاره يا دوك * ايموشن بنت حاطه صباعها بين سنانها * =مش محتاجه..بس لو عاوزه ممكن تنورينا في أي وقت بعد يومين - انا استاذ شمندي...والد علا.... كان ليها استشاره عند حضرتك...بت يا علا تعالي = اه..اتفضلي...وريني سنانك كده !!.لا تمام زي الفل - فيه تحسن يعني يا دكتور = تحسن ايه يا حاج هو كان فيه حاجه اصلا...بس الروج المره دي نوعه نضيف شويه..ملزقش على الجوانتي -طب الحمد لله....دي ام علا مورهاش سيره غيرك...وبتشكر فيك وفي حشوك...بتقول عليك درر والله...ده حتى كانت ام علا قالتلي انك مش متجوز ؟! =لا ياحج منا اتجوزت !! -نعم ؟! ده انت من يومين كنت زنجل ! =كان فيه عندنا طار في بلدنا وكان لازم اتجوز واحده من الدهاشمه عشان الموضوع يتحل وميقتلوش علا...وكانت دخلتي امبارح -الدهاشمه...و دخلتك امبارح !! طب قومي يا بت ياعلا.... يلا نغور من هنا... بكره ام علا هتيجي عشان ضرسها اللي حشيتهولها واجعها... واحتمال ترجع الحشو وتاخد فلوسها...دكاتره ملهاش عازه بصحيح...يلا يا علا