خريجة هندسة القاهرة تقسو على أشقائها؟!

أنا مشكلتي أني مش بحظى بتقدير كفاية من أمي وبتساويني ب"اخواتي" رغم أن انا خريجة كلية قمة واخواتي كلهم في كليات فاشلة sory يعني (صيدلة وحاسبات)!
مثلًا ماما بتحطلي أكل قدهم بالظبط مش فاهمة ازاي خريجة حاسبات وخريج صيدلة يتساوو بخريجة اتصالات هندسة القاهرة؟ ازاي تاخد قطعة بسبوسة وانا اخد قطعة واخويا قطعة؟ هل دي قسمة عدل؟
حاجه تانية مصاريف اللبس بردو ماما بتساوي بيننا فيها وكل حاجة تانية.
انا مش عارفة اعمل ايه انا مقهورة وحاسة أن تعبي في سنتين الثانوية راح على الفاضي ولا كأني تعبت وقعدت أذاكر كل ده!
الرد: أولاً هو انتِ كنتِ بتذاكري علشان تخدي حتة بسبوسة؟ ثانيًا: نحتفظ بالرد وعدم التعليق حرصًا على مشاعر القراء ومراعاة للآداب العامة.