عبد الرحيم علي يعرض مكالمة تخابر البرادعي مع المخابرات الأمريكية كاملة

عرض الكاتب الصحفي عبد الرحيم علي، رئيس تحرير "البوابة نيوز"، خلال برنامج "الصندوق الأسود" المذاع على فضائية "القاهرة والناس" تسريبًا جديدًا لمحمد البرادعي نائب رئيس الجمهورية السابق، والذي استقال عقب اتخاذ قرار فض اعتصام الإرهابية في ميدان رابعة العدوية في أغسطس من العام الماضي.
ويظهر البرادعي في مكالمات تكشف الحقيقة الغائبة عن كثيرين، حيث يتحدّث في تسريب له مع عميل المخابرات المركزية "دان"، وهو "متلبس" بتسريب معلومات تهدد الأمن القومي، مسترسلًا في الحديث عن الوضع الداخلي والأمني والاقتصادي لعميل المخابرات.
وكان نص المكالمة الآتي:
دان: طيب.. سيبني أحاول أرتبها، ودي هتكون فرصة كويسة عشان أقول للزملاء على المعلومات القيمة دي..... أنا عارف إنك شفت بيرنز في زيارته، وبتكلم سكوبي بانتظام.
البرادعي: أيوه هي كلمتني إمبارح وشرحت لها اللي حصل في مقابلتي مع الجيش، وأنا قلت برضو لبيرنز أنا بقيت لاعب أساسي ولازم يتم إشراك إيران لأن المنطقة على وشك الانفجار وعشان كده لازم إيران تكون معاك عشان أسباب كتير يا "دان"، وأعتقد أن المبادرة البرازيلية التركية ممكن تكون بداية الحوار، وأنا قلت لبيرنز أنا دلوقتي شخصية خاصة، وعلي صالحي صاحبي وممكن أنقل له أفكاركم نحو الموضوع وكأنها أفكاري، لو انتِ تحبوا أعمل كده يعني، بس عمومًا يعني أنا متأكد إنكم على اتصال بيهم، بس لو عاوزين نصيحتي لازم تاخدوهم في صفّكم، الإيرانيين ممكن يكونوا عامل استقرار مهم للمنطقة، خصوصًا في أفغانستان والعراق، وكمان دلوقتي واحنا بنتعامل مع اللي بيحصل في العالم العربي من حوالينا.
دان: أنا عندي خطة لدمج الموضوع ده، أنا ماتكلمتش مع حد من المهتمين بالموضوع بخصوص ده، بس هابقى أشاركهم أفكارك، وأنا عندي اتصالات مع أصدقاء أتراك وافتكر إننا بقينا قريبين منهم.
البرادعي: عظيم عظيم.. أنا قلت كده ل"بيل" والحقيقة أنا هاقابل الرئيس التركي خلال ساعتين ووزير خارجيته هما في مصر لعدة ساعات، وهقول لهم تاني إنهم يحاولوا يكونوا نشطين ويكملوا في الحوار مع إيران.
دان: إسمع، مرة تانية باقول لك ده أحسن استخدام ل25 يناير، وهنكون دايمًا على اتصال.
البرادعي: بس أفتكر إن أهم حاجة دلوقتي واللي محتاجينها بشكل عاجل هي استعادة النظام والقانون زي ما انت عارف.
دان: آه أنا فاهم.. اسمع اللي بتقوله ده مفيد جدًا لو احتجت استشارات من أصحابنا في أي وقت، أو لو احتجت ترجع لي عشان حاجة حصلت، كلمني، بس دايمًا خليك على اتصال من وقت للتاني.‬
البرادعي: أكيد يا دان أكيد، أشكرك جدًّا.
دان: باي.
البرادعي: باي.