عضو من حزب الدستور يحرض حمدين ضد السيسي والداخلية

حرض ناشط سياسي من حزب الدستور، حمدين صباحي المرشح الرئاسي، ضد المشير عبد الفتاح السيسي، والداخلية، معتبرا أن المشير لا يحق له الترشح للرئاسة، كما أنه فشل في الملف الأمني، حسب قوله.
وكتب هاني الجمل عبر حسابه على فيسبوك، محرضًا حمدين، على ضرورة استخدام لهجة قوية ضد الجيش والشرطة بقوله: "اللي متأكد منه واللي شفته وسمعته من شباب كتير ثورية .. إن حمدين لازم يرفع من تون خطابه .. ولازم يوضح الفرق بينه وبين السيسي بشكل ثوري قاطع .. لازم يتكلم على إجرام الشرطة وعلى توحشها هي وكل الأجهزة الأمنية .. لازم يتكلم على فشل دور السيسي كنائب رئيس وزراء للشئون الأمنية .. لازم يتكلم على فشل الحل الأمني في الأساس".
وأضاف: "لازم يتكلم على اقتصاد الجيش وعلى دور الجيش المفروض يكون إيه .. لازم يتكلم على المحاكمات العسكرية .. لازم يتكلم على قانون التظاهر .. لازم يتكلم على دولة القانون .. دولة المؤسسات مش دولة الأشخاص الآلهة ".
واعتبر الناشط السياسي أن ترشح السيسي غير شرعي بقوله: "لازم يتكلم على ازاي أن ترشح السيسي أصلا غير شرعي.. وازاي إنه بيورط الجيش في السياسة .. وبيحط الجيش في مواجهة الملايين من المصريين عشان يحمي نفسه .. لازم يحط وعود واضحة بخصوص كل القضايا ديه".
وتابع: "شايف كتير من الشباب المخلص عامل مجهود هايل في حملته .. ومجهود كبير في محاولة إقناع المقاطعين اللي زيي .. لكن الأولى تقعدوا مع حمدين وتقنعوه يتبني خطاب ثوري لا لبس فيه .. ومش هنتكلم في الماضي .. لكن لو عايز يلعب على كل الحبال .. وفاكر إنه ممكن يكسب حزب الكنبة .. اللي هما كده كده رايحين للسيسي .. يبقى هوا مش فاهم أبسط قواعد التسويق .. ومش عارف أصلا هو إيه الشريحة اللي ممكن تقف معاه وتدعمه .. ويبقى مالهوش لازمة أصلا وجع القلب معاه ".