"لم تحترمني في عز غيابي".. مسلم يكشف أسباب انفصاله عن زوجته

تصدر المطرب مسلم ترند "جوجل" بعد إعلان خبر انفصاله عن زوجته يارا تامر، وذلك من خلال منشور له عبر خاصية "ستوري" على حسابه الرسمي بتطبيق "إنستجرام".
إعلان الانفصال
وقال مسلم في رسالته: "تم الطلاق بيني وبين مراتي ودا بسبب مشاكل أهلي وفضحتني قدام الناس، حسبي الله ونعم الوكيل في اللي كان السبب وخلى بينا مشاكل وكلام زي الزفت في السمعة والشرف والأعراض. حلمها الوحيد إنها تعيش مبسوطة لا أكتر ولا أقل، ومش مسامح أختي ولا أمي ولا إخواتي كلهم على كل حاجة وصلوني ليها. أنا بجد بعد الست دي مفيش ست هتخش حياتي تاني، وشكرًا أوي على الظروف".
ونشر مسلم مقطع فيديو عبر حسابه الرسمي بتطبيق "إنستجرام" أوضح فيه أن هناك من شكك في تصريحاته حول حالته الصحية، مؤكدًا أنه بالفعل مر بوعكة صحية، وأضاف: "طلاقي من مراتي لا يخص أهلي. أنا طلقتها لسبب محدد وهو إنها لم تحترمني في عز تعبي وغيابي، واتكلمت في موضوع أنا كنت حالف إنها ما تتكلمش فيه. أنا مش بعمل تريند، ومش من طبعي أطلع أخرب حياتي وبيتي علشان تريند".
أول تعليق ليارا تامر
من جانبها، علقت يارا تامر عبر حسابها على "إنستجرام" قائلة: "حسبي الله ونعم الوكيل فيكم، ربنا ينتقم منكم. وأنا عارفة إني مكنتش المفروض أطلع أتكلم، بس أنا معنديش حاجة أغلى من كرامتي وشرفي قدام الناس، وأنا اهو بعدت يمكن ترتاحوا وتسيبوني في حالي".
وتابعت: "للعلم، من يوم ما اتجوزت مسلم وهي دي كانت مشكلتنا الوحيدة، غير كده مكنش في أي مشاكل. عمره ما زعلني وكان دايمًا واقف في ضهري، بس أنا اتظلمت كتير ومش مسامحة".