شقيقة مسلم توجه له رسالة نارية:«هو أنت بتأكلنا؟»

وجهت آية زكريا شقيقة المطرب الشعبي مسلم رسالة وعبارات نارية له، عقب اتهامه لها انها السبب وراء انفصالة عن زوجتة يارا تامر، عبر حسابها الرسمي بموقع الصور والفيديو"إنستجرام".
وعلقت آية زكريا شقيقة المطرب الشعبي مسلم علي خبر انفصالة، قائلة : "كفاية تمثيل وتجيب سيرتنا، معرفش هتبقى راجل إمتى هو أنت بتأكلنا؟"
وتابعت آية زكريا : "أوعى تفكر أننا هنسكت عن حقنا، وأوعدها لما تطلق بجد هطلع فضيحتها ب إثباتات" .
مسلم يكشف عن اسباب انفصالة عن زوجته
في سياق متصل، كشف المطرب الشعبي مسلم اسباب انفصالة عن زوجته، قائلا: " تم الطلاق بيني وبين مراتي ودا بسبب مشاكل أهلي وفضحتني قدام الناس حسبي الله ونعم الوكيل في اللي كان السبب "
وأضاف مسلم : "وخلي بينا مشاكل وكلام زي الزفت في السمعة والشرف والأعراض وحلم وحدة أنها تعيش مبسوطة لا أكثر ولا أقل".
واختتم مسلم : "ومش مسامح أختي ولا أمي ولا أخواتي كلهم بجد على كل حاجة وصلوني ليها أنا بجد بعد الست دي مفيش ست هتخش حياتي تاني وشكرا أووي على الظروف".
أول تعليق من يارا تامر بعد انفصالها عن مسلم
وعلقت يارا تامر طليقة المطرب الشعبي مسلم بعد اعلانه انفصالهم، ووجهت رسالة نارية لعائلة المطرب الشعبي مسلم بعد الإساءة لها، عبر حسابها الرسمي بموقع الصور والفيديو"إنستجرام" ، قائلة : "تم الطلاق بيني وبين مسلم، وبجد حسبي الله ونعم الوكيل فيكم، ربنا ينتقم منكم".
وأضافت يارا تامر : " أنا عارفة أني مكنش المفروض أطلع أتكلم بس معنديش حاجة أغلى من كرامتي وشرفي قدام الناس ".
واستكلمت يارا تامر :"أنا أهو بعدت يمكن ترتاحوا وتسيبوني في حالي، للعلم أنا من يوم ما اتجوزت مسلم كانت هي دي مشكلتنا غير كده مكنش في أي مشاكل بينا".
واختتمت يارا تامر : "وشهادة حق أنه عمره ما زعلني وكان دايمًا واقف في ضهري، بس أنا اتظلمت كتير ومش مسامحة ".