مسلم باكيًا بعد انفصاله: "طلقاتي بسبب أهلي.. وهتلاقوني في يوم ميت من الزعل"

خرج المطرب مسلم عن صمته، وتحدث عن كواليس طلاقه ووجود العديد من الأزمات مع أهله، عبر مقطع فيديو نشره على حسابه انستجرام، بعد ساعات من إعلان انفصاله عن زوجته يارا.
وعن كواليس طلاقه، قال مسلم: "مش محتاج أني أعمل حوار، ولا محتاج اتعب نفسي عشان أقول للناس حاجة عشان الناس لا بتأكلني ولا بتشربني، وكفاية خوفي من ربنا عشان اقول على نفسي حاجة وهي محصلتش وده في موضوع تعبي، لما في حته طليقتي، أنا طلقتها بسبب إن هي ماحترمتنيش، في عز غيابي وتعبي وهي طلعت اتكلمت في حاجة أنا كنت حالف عليها انها ما تتكلمش فيها، وقلت لها الموضوع ده اتقفل وأنا راجل فنان مش طالع أوري للناس مشاكلي أنا بقدم فن مش أكتر، وأنا مطلقتهاش عشان أعمل تريند طلاق، والحمد لله أنا طول عمري تريند وفرحي كان تريند، وأنا مش هطلق مراتي وأخرب حياتي عشان ابقى تريند، والكلام ده للناس المريضة اللي بتقول إني بتاع تريند، يارا ربنا يكرمها انسانة محترمة وماشوفتش منها اي حاجة وحشة او اي حاجة تقل من كرامتي".
View this post on Instagram
A post shared by M̶ U̶ S̶ L̶ I̶ M̶ - مسلم (@muslimoffcial)
وتابع: "طلقاتي دي كلها بسبب أهلي ومفيش واحدة اتجوزتها غير لما غلطوا فيها، بس عشان البنات دي غلابة ومحترمين كانوا ساكتين وكانوا بيحبوني وكانو بيبعدوا وميتكلموش ويارا غصب عنها معرفتش تسكت عن حقها وانت مفرقش معاك مرات أخوك اللي هي عرضك اللي كان بيقف معاك ويلحقك ويساعدك، مفرقش معاك كل ده وغلطوا فيها وسمعتها وأنت لو مرات أخوك دي فيها عبر الدنيا المفروض إنك تطلعها أشرف واحدة وهم واخدين الموضوع كله تريند".
وواصل مسلم، حديثه: "ملعون أبو الحاجة اللي تعمل في أخوك كده عشان الفلوس، وهما دمروا حياتي ومستقبلي ودمروا كل حاجة أنا عملتها، ولو بيحبوني محدش فيهم يطلع يتكلم عليا بحاجة غلط وأسف ليكم إني بقول الكلام ده على أهلي بس بجد أنا مظلوم، وفي يوم من كتر الزعل هتلاقوني ميت وساعتها مش هيجيب حقي غير ربنا ومبقتش لا أعرف اشتغل او اسجل اغنية بسبب الضغط اللي عليا، ومن كتر الزن لقيتني بقول يارا أنتي طالق، ومفيش حد عرفني أو دخل حياتي إلا لما قالي أبعد عن أهلك، واية اختي لما لقت الحنفية اتقفلت ومفيش فلوس طلعت فضحتني، وأنا كنت بموتى بقالي شهر ومكنش حد بيساعدني غير يارا وواحد صاحبي اسمه كريم ومفيش حد فيهم رن عليا قالي ألف سلامة عليك ومحمد أخويا الوحيد اللي كان بيسأل عليا".
وأنهى حديثه قائلا: "ومن انهاردة اعتبروا اني ماليش حد غير ربنا ومليش غير شغلي وحياتي لاني تعبت وكفاية ضغط نفسي وهبعد عن أي أو حاجة تزعلني وأنا طلعت اتكلمت واللي عايز يصدق يصدق وحسبي الله ونعم الوكيل في اللي ظلمني وأقول لأمي أنا اسف لو عملت ده او اتكلمت وانا بحبك وماليش غيرك لكن اخواتي ظلموني وربنا يهديهم و البني ادمة اللي راحت مش هعرف اعوضها تاني".
أعلن المطرب مسلم طلاقه من يارا تامر، بعد زواج استمر لنحو 4 أشهر، عبر "ستوري" حسابه الرسمي بموقع "انستجرام"، وكتب: "تم الطلاق بيني وبين مراتي ودا بسبب مشاكل أهلي وفضحتني قدام الناس حسبي الله ونعم الوكيل في اللي كان السبب وخلى بينا مشاكل وكلام زي الزفت في السمعة والشرف والأعراض".
اقرأ أيضا:
أول تعليق من بوسي بعد إخلاء سبيلها
تفاصيل آخر بروفات أنغام استعدادا لحفلها بالقاعة الملكية في ألبرت هول