أحمد زاهر : اللى بينجح معايا مش بيجبنى فى شغل تانى

حل الفنان أحمد زاهر ضيف حلقة جديدة من حلقات برنامج " The Nine Show " للإعلاميه دعاء صلاح والذى عرض على قناة الشمس فى تمام الساعة التاسعة مساء .
صرح الفنان أحمد زاهرأنه كان يريد أن ينجب ولد من أول ولادة لزوجته ولكن ربنا رزقه ببنات قائلا..كان نفسى أخلف ولد وفى بنتى الاخيرة اعتقدت إنها ولد وحضرت لها إسم يونس ولكن ربنا اراد انها تكون بنت .
تحدث زاهر عن فترة مرضه قائلا:حسيت بيأس عند مرضى الغدة وقولت خلاص إنتهيت وبموت وقعدت 3 سنين في البيت من غير شغل،وطلقت مراتى بسبب مرضى.
وتابع قائلا:انا كنت 185 كيلو وكنت وقتها عايز أموت ،ووقتها كنت عايز ابعد عن مراتى وبناتى ورفضت العلاج ومستسلم الموت ،وفى هذه الفترة أصدقائى المقربين محدش سأل عنى 3 سنين .
وأضاف زاهر : أى فنان بشتغل معاه وبنجح مش بيحب يشتغل معايا تانى ،فى ناس بتغير ومش بتحب تشتغل معايا لاكل الجو منهم .