من البداية إلى النهاية.. أزمة تركي آل الشيخ ومحمد سراج الدين عضو الأهلي

لا صوت يعلو داخل الشارع الكروي المصري فوق صوت أزمة المستشار تركي آل الشيخ، وزير الترفية السعودي والرئيس الشرفي للنادي الأهلي، مع محمد سراج الدين، عضو مجلس إدارة النادي الأهلي، وهو ما وصل إلى مواقع التواصل الاجتماعي.
بدأت الأزمة عندما كتب تركي آل الشيخ منشورا عبر حسابه الرسمي على "فيس بوك" يقول فيه: "إذا كان القرار بيد إدارة مش عاوزه مصلحة النادي وبيعطلو أي حاجه تصب في مصلحة النادي.. وصبرت عليها كتير لكن واضح أنهم لن يتغيروا في حاجة.. الحمد لله عندي نادي في أوروبا! والباب اللي يجيلك منه الريح سده واستريح.. لغاية مايجي رجال يقدروا الرجال!".
فيما كتب محمد زكريا سراج الدين، عضو مجلس إدارة النادي الأهلي، يقول: "بعيدا عن كورونا ربنا يحفظنا ويسلمنا منها جميعًا، في فيروس عجوز موجود من زمان في قطاع الرياضة في مصر، وفي فيروس تاني عيل لسه مستجد من الخارج، الفيروسات دي بتنشر فتن وقرف ومشكلات طول الوقت في الرياضة، وبين الناس وبين بعض، وبين أكبر جمهورين في مصر، اللي أنا واحد مرضاش بإحداث أي نوع من أنواع الفتنة بينهم بأي شكل من الأشكال".
وأضاف: "إحنا في النهاية ولاد بلد واحدة، نختلف آه، نهزر مع بعض آه، لكن تطاول وأذى ده منبوذ ومرفوض بالنسبالي من الجانبيين.. المشكلة أن الفيروسات دي مختلفة عن الكورونا في حاجة، وهي أن لها علاج بس العلاج لازم يجي من الدولة، ويكون جذري، الدولة اللي أنا بحترمها وبقدرها عشان محدش يزايد عليا، أنا ابن مؤتمر الشباب، ودايمًا بكون فخور بده، وظهوري الأول هناك في 2016، وعرضي لأفكاري كان دفعة ونقلة ليا في أمور تانية كتير".
وأنهى حديثه قائلا: "مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل، أتمني يكون في مستمع لأن فاض الكيل... اللهم بلغت اللهم فاشهد".
وعاد تركي آل الشيخ ليقول: "هوا مين الهلفوت ده محمد سراج الدين؟ إيه موقعك من الإعراب بس قبل مرد عليك يا هلفوت؟".
وسريعا رد محمد زكريا سراج الدين: "هو أنا متربي وهادي الحمد لله، ودي نعمة ربتني عليها والدتي الأستاذة الجامعية، ووالدي وهو لواء مدفعية سابق في الجيش المصري، بس افتكر أنه كان علمني كمان أن الكرامة دي أعلى وأهم صفات الإنسان، وأن عمري ما اقبل أي تجاوز في حقي، وأنا بشفق عليك حقيقي لأنك ملقتش حد يربيك تربية سوية أو يعلمك أن مش كل حاجة المظاهر والشو والهبل اللي بتعمله ده اللي خلاك مسخة أمام العالم كله، في قيم ومعاني وأصول أهم وأسمى من كده بكتير بس أنت معذور متعرفهاش، بحمد ربنا إني اتربيت كده وأنا مش بشوفك يا تركي آل شيخ من أول يوم غير واحد ناقص وجاهل وهفضل أشوفك كده على طول، وعلى فكرة أنت مش كاسر عيني، وانت عارف كده كويس، ولا عمرك هتقدر في أحلامك حتى تكسرها ولا انت ولا اتخن تخين".
وهنا رد تركي آل الشيخ قائلا: "ارجع أسال هوا انت مين عشان اكسر عينك؟ مالكش أي قيمة... بعدين إذا أنا بحب الشو على كلامك على الأقل بدفع حق الشو اللي بعمله... مش زيك هارينا بابي ومامي وفي الاخر ناجح بفلوسي أنا ودعمي أنا؟! متعملش فيها رجل وبتاع كرامه وانت أساسًا الكرامه دي متعرفهاش إلا في بوست فيس! وبعدين أنا مش هشتم في أبوك المحترم اللي للأسف معرفش يربيك، ولا اجيب سيرة أرض الطوب الرملي في الواحة في مدينة نصر، وبقية الأراضي والشيك اللي ب10 مليون جنيه بدون رصيد لن كده حيزعل منك بابي... لو عندك كرامه يابو كرامه يا اهبل كان اتصرفت وانا مرتين ارمي الاستقاله في وشك ومتقبلوهاش... واستقاله بين السطور فيها انه ميشرفنيش اكون رئيس للنادي الأهلي العظيم اللي بحبه وبحب جمهوره وفيه هلفوت في مجلس الإدارة زيك... بتاع بابي ومامي! دي اخر مره انزل لمستواك وارد عليك ببوست... فاهمني".