"علي قنديل" هفتح أكونت الفيس ع الملأ وهنتقم ببيت الرصيف

لكل اللي عملّي تاج في صورة أنا مش فيها أصلًا..:D
سواء كانت خروف العيد.. أو جروبات الحب وهم كبير:D
لكل اللي بعت لي رسالة يقولي أنا بغنّي راب على فكرة، ولما أقولّه طب أنا أعمل إيه يقولي انت بقيت تنك على فكرة.
هفتح الأكاونت على الملأ
أي واحدة عاكستني وبعتت لي صور أختها شاهيناز
هفتح الأكونت على الملأ..
هنتقم
من كل اللي بهدلوني وعذبوني
كل اللي كلّموني على إني "أنديل" أخويا
هفتح الأكونت على الملأ
هرد لك القلم يا اسمك إيه اللي معرفكيش ولقيت رسالة منك بتقوليلي انت ازاي كنت خاطب قبل كدة ومتقولّيش!!
هفتح الأكونت على الملأ..
هكذا أوضح "على قنديل" سبب اختياره لعنوان حفلته القادمة ببيت الرصيف، 6 فبراير المقبل في تمام السابعة مساءً.
وتابع على قائلًا: "هتعامل من الفيس بوك قّدامكوا عشان تعرفوا قد إيه أنا مظلوم".