هنا الحكاية.. "البوابة نيوز".. سنة راحت "2018".. سنة جايه "2019"

كل كلمة بألف معنى.. وكل صورة كان لها حكاية.. سنة كاملة عشناها سوا بحلوها ومرها.. بفرحها وحزنها.. حكايات وحواديت وأوجاع.. وبشر قابلناهم وعشنا معاهم.. عناوين كتبناها افتكرناها ونسيناها.. صوت تصفيق بيرن فى قلوبنا ونظرات تحفيز بتبرق فى عينينا.. مبادارت ونجاحات وإبداعات وابتكارات ومؤتمرات سجلناها.. نجاح حققناه محسوب لنا كلنا.. فكرة واسم اتجمعنا حواليه، فبقى سطور فى كتاب التاريخ. «البوابة» كانت هنا وفى كل مكان.. الكلمة ما تعرفش حدود ولا جوازات سفر.. والقلوب هى الوطن.. «البوابة» كانت مع الإنسان.. أى إنسان كان، فى أى مكان، ما يهمش دينه ولا جنسيته بس يكون إنسان يخاف على مصر.. مصر القصد والسبيل والسلسبيل.. مصر الأمان والدفا والخير.. مصر الملاذ والبيت الكبير.. مصر التاريخ والوجود.. مصر الأميرة العفية الوافية.. اللى كلنا فى خدمتها.