"الغلاء" يهدد "الكشري" بالنزول من عرش "أكلات الغلابة"

الكشرى أشهر أكلة مصرية، بعد الفول والطعمية، يعتبر من الأكلات المفيدة لما به من سعرات حرارية وبروتين وانعدام الكوليسترول، ويتخذه الكثيرون على أنه وجبة غذائية متكاملة ويمكن تناوله فى المطاعم أو من عربات بيعه المنتشرة فى الأحياء.
وتتميز هذه الوجبة بإمكانية تناولها فى أى وقت، يقول «حسن»، أنا شغال فى الشغلانة دى من 10 سنين، بصحى من 6 الصبح، أجهز الرز والعدس والمكرونة، مؤكدًا أن زوجته تساعده فى إعداد وتسوية الأكل، مستطرداََ، بعدها بجهز العربية وأجرها على هنا قبل الظهر، وابتدى أجهز الترابيزات، وأفضل مستنى رزقي، فى أيام يكون فيها شغل كتير، وأيام تانية بتبقى الدنيا مريحة، وكله حسب تساهيل ربنا، أفضل شغال لحد بعد العشا، وممكن قبلها بشوية، ويمكن بعدها، حسب حركة الزباين».
مضيفًا، «بجيب البضاعة من تاجر الجملة كل أسبوع، بجهز العربية بكميات 4 كيلو رز، و9 كيلو مكرونة و2 كيلو عدس، وحمص وشعرية وصلصة، ومكسبى فى اليوم 70 إلى 100 جنيه»، مؤكدًا أن الغلاء يهدد «الكشري» من النزول على عرش أكلات الغلابة.
موضحًا أن الأسعار نار والزبون مغلوب على أمره، ويضيف: «حتى لو الناس قررت تعمل الكشرى فى البيت هيكون مكلف أكتر، أنا بشترى الحاجة جملة، لكن لو الناس عملته فى البيت هيكلفها أقل حاجة من 70 إلى 90 جنيها».