آخر ما كتبه الشهيد الماحي: "سيناء للرجالة"

"بدمائهم ضحوا في سبيل حماية أمن بلدهم مصر، هم أبطالها والمجد لهم دائما"، بتلك الكلمات نعت الجماهير البطل "عبدالمجيب الماحي"، والذى استشهد في أول أيام شهر رمضان أثناء توزيعه السحور على زملائه، إثر انفجار عبوة ناسفة استهدفت مدرعته.
حصلت "البوابة نيوز"، على آخر ما كتبه الشهيد وشهادته على فترة خدمته الوطنية بسيناء، عبر فيسبوك، ونصها الآتي:
"بجد شرف ليا إني أقضي الفترة دي من حياتي في سيناء أرض الفيروز أرض البطولات أرض اتروت علي مر العصور بدماء الشهداء العطرة كل يوم بيعدي علينا هناك ومع كل حدث بيحصل ومع كل ظابط بيتصاب أو بيستشهد بتبقي وراه بطوله كبيرة كان هوة بطلها وعاش فيها و عمر ما حد يتخيل حجم المواجهة الي هوة كان فية و ازاي اتصدي ليها هوة و عساكره ومدي الصمود والعزيمة والايمان بالله الي كل جندي علي ارض سيناء موجود فيه وقد ايه لما بتحصل مواجهة مع العناصر التكفيرية النجسة ان الظباط و المجندين كلهم بيلبسو ويجهزو ويقفو يتخانقو مع بعض انهم يخرجو عشان يجيبو حق زمايلهم او يساعدوهم أو يوصلو زمايلهم المستشفي او يروحو يودعوهم في المستشفي قبل ما يتحركو لمسواهم الاخير عرسان في الجنة شهداء في سبيل الله ويرجعو تاني يقفو في نفس مكانهم مستنيين مواجهة تانية مبتسمين روحهم المعنوية عاليه تخليك تطلع سابع سما بطولات كتير وحكايات كتير يمكن لو اي حد سمعها شعره يقف بس هي دي الحقيقة ولو اي حد متابع الوضع في كل دول العالم و حجم الخسائر الي بتحصل نتيجة العمليات الإرهابية يعرف ان مصر حامي حدودها رجالة صامدين للنهاية - إِنَّهُمْ فِتْيَةٌ ءَامَنُوا برَبِّهِمْ وَزِدْنهُمْ هُدىً - صدق الله العظيم تحيا مصر تحيا مصر تحيا مصر".