أسامة كمال للمصريين: إن لم يكن لديك مال أو صحة شغّل دماغك

طالب الإعلامي أسامة كمال مقدم برنامج "القاهرة 360" المواطنين بالعمل وتطوير عقولهم والبعد عن الكسل، مضيفًا "شد حيلك واشتغل لو ربنا مديك صحة.. طلع قرشك وشغله لو ربنا مديك مال.. إذا لم يكن لديك مال ولا صحة شغل دماغك وده أضعف الإيمان".
وأضاف كمال خلال برنامجه المذاع عبر فضائية "القاهرة والناس" أن هناك من بثوا شائعات بعدم نجاح المؤتمر الاقتصادي.. يا صديقي الكلام ده بيحصل بس في حواديت الأطفال اللي الفقير بيتجوز الأميرة وياخد نص المملكة بتاعة أبوها عشان هو واد جامد.. وبيحصل في التراث الشعبي اللي أمير المؤمنين يشوف فصاحته فيناوله صرة دنانير".
وأوضح كمال أنه ليس هناك صرة ولا دنانير، ولا يوجد أميرة ولا مملكة تاخدها، لكن هناك عمل وتعب وستر ورزق من ربنا بيديها لمن يشاء.. لكن غالبًا بيديها للمجتهدين حتى لو شفنا الكسلانين واخدين رزق فده ابتلاء واختبار غالبًا بيفشلوا فيه.