بالفيديو.. محافظ المنيا ل"الحسيني": مستنيين أمر مرسي عشان ننفذ الاقتحام

أذاع الكاتب الصحفي والإعلامي عبدالرحيم علي، رئيس مجلس إدارة "البوابة نيوز"، عبر برنامج "الصندوق الأسود" على فضائية "العاصمة" مساء اليوم الثلاثاء، تسريبًّا لمكالمة هاتفية بين محافظي المنيا وكفر الشيخ، خلال اعتصام رابعة.
وقال محافظ المنيا السابق مصطفى كامل عيسى، خلال المكالمة، لسعد الحسيني "الناس عايزين يقتحموا المحافظة ولكن أنا قولت لهم لا إحنا منتظرين أوامر الرئيس"، ليرد الحسيني: على بركة الله.
وجاءت نص المكالمة كالتالي:
سعد الحسيني: طمنا عليك وعلى المنيا بلد الأبطال
مصطفى كامل عيسى: المنيا زي الفل.. إحنا امبارح كنا عاملين يوم عالمي.. الحمد لله رب العالمين
سعد الحسيني: الله.. الله أكبر
مصطفى كامل عيسى: كان على المنصة جميع ممثلي القوى المدنية وألقيت الكلمة بتاعة التحالف أنا.. وقبليها بيومين كان عندنا برضه مسيرة ضخمة لفت المدينة كلها كانت جاية من جميع المراكز والقرى.. لدرجة إن الناس كانوا بيقولوا عايزين نقتحم المحافظة.. يعني إحنا لو عايزين ناخد المحافظة ناخدها.. مفيش أي قوة تقدر تقاومنا في المحافظة
سعد الحسيني: على بركة الله لو ده حصل نسهر نتسحر مع بعض
مصطفى كامل عيسى: الجمعة دي بإذن الله تعالى