"الهرش" سيد الموقف في الدقهلية

اهرشوا، تستريحوا، تسع قرى بالدقهلية ضربها العطش والجرب، يا حفيظ، ميه الشرب لا حس ولا خبر من شهرين تلاتة، انتي فين يا حكومة؟.. والحكومة غرقانة في برك الطناش والاستهبال، حد بينادي!، حد بيستغيث!.. ولأ يا حكومة، لا مؤاخذة يا كبيرة، اقبلي اسفنا على إزعاج سعادتك، حاجة بسيطة كده وما تخديش في بالك، شوية كتاكيت في عزبة الصفيح بالمنصورة بيكاكو وعلى وش موت مالعطش، نحيطك علمًا يا كبيرة، إن ريشهم سقّط بدري بدري من الجرب النتاتج عن "الحُما" بمية المجاري، وما نشوفكيش في موقف هرش، وختامًا: دعواتنا بالشفاء من البرود للسادة أعضائك والوقاية من أي جرب، واقعدي بالعافية يا أميرة.