الشيف بدراوي: طبق اليوم.. محشي كرنب بخلطة الندم

أهلا بكم.. رمضان كريم يامأتأتين ، وسنة بيضا على كل أصدقائي الفلول خصوصا الأنتميين القربين الحلوين، الوحشين لأ .. معكم الشيف بدراوي من رجالة المطبخ في الحزب الوطني المرحوم
...............
فاصل .. وموسيقي
............
عدنا
............
ورجعنالكم تاني ، النهارده وركّزوا معانا ،طبق اليوم مخصوص ويجنن وهيتبلع بلع ، محشي كرنب ع ورق العنب والخلطة مش هاقول ، لكن هاقول وأمرى لله ، خلطة الست فتاكات ، مين فتاكات ؟ دي اللهوبة مسئولة الطبخ والتسبيك في الحزب المرحوم ،آه نسيت أقول حاجة مهمة ، أنا ندمان ع اللى راح من عمرى فى الحزب ده ، على كلٍ آهي غلطة ومش هتعود خلينا ف النهارده ونخش علي الحلو
.............
وفاصل وموسيقى ومقطع من أغنية الحَبْوب وأمير السلطنة هاني شاكر ، غلطة وندمان عليها
............
وعدنا
......... ....
ومن غير مقدمات ، حلو اليوم مهلبية بالزيت الحار وزبيب الفشر وفستق الخداع ، يلاّ ناكل وبالهنا والخيبة .