همام الخمْام في المنام

مشوار الفتنة عادة يبدأ بطبق فتة، همام ابن الشيخ إسحاق الحويني طويل العمر، ضرب بسلامته على الفطار امبارح، واحد فتة بلحمة الراس وبرقع كوزين تلاتة بوظة على كوزين عرقسوس، وزعق: «ادونا فرصة يا ولاد البوظة»، خُش ياهمام، طلبات الملاحيس، عاوز تقول إيه؟ ولا حاجة، هى فتوى صغنونة نبدأ بيها مشوارنا في حارة الهلس والفتنة، وم الآخر: جلوس على موائد إفطار الأقباط ممنوع ومحظور ومحرم، وهى كده خبط لزق، حد يسأل، حد يتفلسف، إيه دليلك يا خمام، إيه أسانيدك يا ابن الشيخ؟ مفيش عندي غير البوز، ما بردش، ما ببصش، سموها قلاطة، سموها خبل، سموها جهل، أنا همام الخمام بطل الفتنة الهمام.