حكمة شحاتة ابن بخاتة.. اسمعوا وعوااااا

ما ينوب المخلصاتي إلا بهدلته، حكمة للفيلسوف القروي "شحاتة ابن بخاتة" معلقًا على أزمة القلم والنبوت بين الصحفيين ووزارة البوليس والكلابشات، الذي قال وقوله ف الجون وبين التلات عرضات: "الصراحة راحة يا صحافة والشرطة ما بتهزرش، هتفضحيها هتعريها هتطلعي بلاويها، هتلوي بوزها وتطاردك وتشتغلك ف اللحمر ولعبة الضلمة والعفاريت، هى كده الشرطة تجامليها تحطك على راسها، تزغزغيها وتطلعي براغيتها، تنفخ وتطاردك، بس الحق حق، ودي شهادة العبد الفقير "شحاتة ابن بخاتة": المرحلة دي مرحلة غسل الصحون وكشف الحلل والأعمى نقول لجنابه "حضرتك ولا مؤاخذة شيش بيش خالص"، يتركب عدسات وقرنية يتاخد بعضك وتروح الوسية.