عرض الإعلامي والكاتب الصحفي عبد الرحيم على، تسريبا خطيرا بمكالمة بين محمد سعد الكتاتني، وعصام العريان أعضاء مكتب الإرشاد بجماعة الإخوان قال خلالها عصام العريان من الإعلام وإليكم نص المكالمة: العريان: ايو ايا خويا يا حبيبي الكتاتني: مبروك يا نائب الرئيس العريان: ربنا يهيدك ويصلح حالك الكتاتني: سريعا كده مؤتمر ممدوح حمزة العريان: لا مش مشاركين فيه اعتذرنا الكتاتني: طب ليه؟ العريان: بلاش ليه دي هطول أصل ما ناقشناه مرتين فعايز تبعت انت حد سكوتي كده ابعت يشوف الأوضاع ايه بس ميقولش على كده.. ميدعيش إي إدعاء أن هو ممثل أي حاجه الكتاتني: طيب بس على الأقل اعلاميًا.. ليه ميشتركوش العريان: يافندم احنا اتقفنا ناقشناه مرتين والله.. مش هينفع أقولك في التليفون إيه الموضوع الكتاتني: مش على كده يا دكتور عصام انا بتكلم إعلاميًا عايزه رد مقنع العريان: أنا رديت عليه.. رديت عليه ورد مقنع والراجل قال أنه متفهم وجهة نظرهم واحد عايز يعمل دستور يا حبيبي عايز يعمل مجلس وطني تاني، بيقولك أنا هختار مجلس وطني مش فيه برلمان هنختاره ؟ الكتاتني: يا دكتور عصام حضرتك ده بينك وبينه الصورة اللي حضرتك بتقولهالي دلوقتي مش واصله للإعلام. العريان: انا قلت الكلام ده في الإعلام يا سعد يا حبيبي قلت احنا ضد الالتفاف على أو استباق الإرادة الشعبية لأنها هتختار البرلمان في شهر 9، هو احنا هننتخب مجلس غير اللي هينتخبه الشعب، وعاوز يعمل دستور ما في جمعية تأسيسية هتعمل الدستور ويحيى الجمل اعتذرنا عن الاتنين يبقى يحيى الجمل مأجلينها شويه. الكتاتني: ماش ماشي.. بس إعلاميا.... العريان: منا بقولك حاجه بس خلينا دلوقتي في الإعلام نحطه في حجمه الصحيح والسليم مش عاوزين الإعلام هو اللي يوجه أجندتنا أو ياخد القرار. الكتاتني: يا سيدي ماشي أن على إن صوتنا والرد بتاعنا يبقى واضح للإعلام بس يا دكتور. العريان: ياسيدي هو عمل إيه الإعلام هو حد مهتم بكلامه ما تخلينا واقعيين يا سعد هو طلع في الآون تي في وبس مين تاني جابه الجزيره جابته العربية جابته ؟! ما انت مش تجري ولا أي قناة مشاهدتها وتأثيرها محدود، انت دلوقت راجل بتفكر بطريقة مختلفة. الكتاتني: يا سيدي يوم المؤتمر هيعمل هيصه في الشروق العريان: شروق ايه دي، دي أقل من الدستور النهارده وملهاش توزيع، خليك عاقل وافهم الأجندات بقى هو فيه أجندات بردو... الكتاتني: لكن لازم يكون الجمهور كمان فاهم العريان: لا مش هنطلع بيان نرد عليه احنا اعتذرنا وقولنا اعتذرنا مش كل واحد هقول عليه بيانواقول انا روحت ليه ومروحتش ليه، أنا اعتذرت ليه، بيقول في الشروق الدكتور عصام جاي وهنبحث الموضوع وهنراجع المواقف. الكتاتني: لا كدابين كدابين العريان: انا طلعت معاه على الهوا امبارح بقوله ايه انا قلت وهو رد واحتم وجهة نظري وقال متشكرين جدًا. الكتاتني: حضرتك ركزت على إن الكلام ده استباق للدستور؟ العريان: اه طبعًا وانا قلت انت بتتكلم على الشروق أنا قايل في "أش أ" والناس التانية نقلاه عنا ليه تقرأ الشروق بس عشان منخليش الجماعة دول يلحسوا دماغنا ما انت كنت واقف في المؤتمر النهارده وشايف الولد بتاع الشروق بيعمل ايه. الكتاتني: ماشي يا فندم شكرًا العريان: ربنا يخليك.
