"أنا حكومة".. "صوّر شكوتك وخلّى الحكومة تشتغل"

«صوّر شكوتك وخلّى الحكومة تشتغل».. شعار أطلقته صفحة على موقع التواصل الاجتماعى «فيس بوك» حملت اسم «أنا حكومة»، تقوم بدور الوسيط بين المواطنين والمسئولين، حيث يتاح لمتابعى الصفحة أن ينشروا صورًا للمخالفات المنتشرة في الشوارع كى يتسنى على المسئولين الحكوميين الوصول لتلك المخالفات والتعامل معها.
مؤسس الصفحة، وهو شاب يدعى أحمد عماد قال: «لقينا إن الطرق اللى الناس تقدر تشتكى بيها وتوصل للمسئولين قليلة، وعشان كدا عملنا الصفحة والموقع، وهنعتبر نفسنا فاشلين لحد ما نقدر نوصل صوت المواطنين للمسئولين ونحل مشكلاتهم».
«دور الإعلام هو عرض المشكلات، أما احنا بقا هدفنا إن المشكلة تتابع لحد حل المشكلة»، جملة شرح بها «عماد» طريقة عمل الفريق القائم على الصفحة، ويضيف أنهم سيتصلون بمن تُحل مشكلتهم لإخبارهم، ولاقت الصفحة تفاعلًا ملحوظًا من مستخدمين لموقع فيس بوك حيث يقول مدير الصفحة: «جات لنا مئات الشكاوى وبنرسلها أولا بأول للمعنيين». يواصل «عماد» كلامه «هنعمل الشكاوى في تقرير مجمع ونبعته لكل مسئول، ولو لقينا مفيش رد فعل هنبعت الشكاوى للمسئول اللى أعلى منه حتى لو وصلنا لرئيس الجمهورية بس المشاكل تتحل.
النسخة الورقية