بالفيديو.. تسريب ل"البدوي": "مين نجيب ساويرس وإيه علاقته بالسياسة"

عرض الإعلامي عبدالرحيم علي، رئيس مجلس إدارة وتحرير "البوابة نيوز"، خلال برنامجه "الصندوق الأسود"، المذاع على فضائية "العاصمة"، اليوم الإثنين، مكالمة للسيد البدوي رئيس حزب الوفد، مع شخص مجهول يقلل خلالها من قيمة رجل الأعمال نجيب ساويرس.
وجاء نص المكالمة كالآتي:
المجهول: شفت الحوار الوطني بتاع امبارح بتاع يحيى الجمل ومجلس الوزرا وكده
السيد البدوي: لا ده جه فين
المجهول: اتذاع إمبارح وكانوا قاعدين واتذاع مباشر
السيد البدوي: مين اللي كان بيتحاور معاه
المجهول: يعني كل الناس.. يحيى الجمل ونجيب ساويرس وعمرو موسى والإخوان كان ليهم ناس وكان بيدير الجلسة حافظ الميرازي وكل الأطياف كانت موجودة حاجة بدل مجلس الشورى كده
السيد البدوي: نجيب ساويرس اللي طالع في المقدر ده
المجهول: اه كل الناس كانت موجودة
السيد البدوي: ماعدا إحنا
المجهول: ما كانش فيه ولا حزب.. كانوا بيقولوا التجمع والناصري والوفد ما اتوجهش ليهم دعاوي
السيد البدوي: متجاهلين الأحزاب ولاد الكلب.. حد من الإخوان كان موجود
المجهول: اه عصام العريان.. حمدين صباحي ابتدا حملة الرئاسة بيقول هيخلي مصر من أكبر 8 دول اقتصاديًّا خلال 8 سنين
السيد البدوي: يعني ده عايز يقعد يحكم 8 سنين يعني هههههههههه.. طب قول في الأول في 4 سنين هتعمل إيه.. طيب اطلبلي أسامة هيكل وسليمان جودة.. هخليهم يقطعوهم ولاد الكلب
المجهول: يقطعوهم ليه
السيد البدوي: عشان مدعوش الوفد.. الأيام جاية وهنديهم بالجزمة وافتكر الوفد ده هيبقى له شأن
المجهول: ولا شأن ولا يحزنون
السيد البدوي: مين نجيب ساويرس ده.. بيمثل أي تيار.. إيه علاقته بالسياسة أساسًا.. تجاهل الوفد في هذه المرحلة.. هو تجاهل لخبرات تصب في النهاية في صالح التغيير وفي صالح الثورة وده ينبئ بأن هناك سوء نية ومحاولة للالتفاف بالجلوس مع من ليس لديهم بالسياسة وهذا نوع من الخداع الذي لا يمكن أن نقبله لا على الوفد ولا على مصر ولا على ثورة 25 يناير.